وزبەك اعايىنمەن ورتاق مۇددە بار

قوس­تاناي وبلىسى ەلىمىزدەگى ماشينا جاساۋ سالاسىنىڭ ءىرى ورتالىعىنا اينالىپ كەلەدى. «اگروماشحولدينگ» جانە «سارىارقااۆتوپروم» ماشينا قۇراستىرۋ زاۋىتتارىنان قازىر ۇزدىك اۋىلشارۋاشىلىق تەحنيكالارى مەن Toyoto, Ssang Yong, Ivego, JAC سەكىل­دى الەمدىك برەندتەر ساپقا قويىلادى. قوستاناي وبلىسى ەكونوميكانىڭ دامۋ ىرعا­عىن ەسەلەۋ ءۇشىن جان-جاقتى ينتەگراتسيالىق ىزدەنىستەرگە بارىپ وتىر. قازاقستاننىڭ ءوندىرىسى دە, اۋىل شارۋاشىلىعى دا دامىعان ايماعى سانالاتىن قوستاناي وبلىسى مەن وزبەك­ستان رەسپۋبليكاسىنىڭ ءبىر-بىرىنەن الاتىنى دا, ۇيرە­نەتى­نى دە بارشىلىق. ماشي­نا جاساۋ سالاسى وزبەكستان­دا دا دا­مىپ وتىر. ناۋرىز ايىندا استانادا وتكەن بيزنەس-فورۋم­عا كەلگەن ساپارىن­دا وزبەك­ستان پرەزيدەنتى مەن قوس­ت­ا­ناي وبلىسىنىڭ باس­شىلى­عى اۆتوكولىك وندى­رىسىن­دەگى وشاق­تاندىرۋ جونى­نەن كەلىسىم جاساعان بولاتىن. جاقىندا وبلىس اكىمى ارحيمەد مۇحامبەتوۆ باستاعان قوستاناي دەلەگاتسياسى وزبەكستاندا بولىپ قايتتى.  − ءبىز تاشكەنت جانە سامار­قان قالالارىندا وزبەك­ستاندىق بيزنەس وكىلدەرى­مەن كەزدەستىك. ساپار ماقساتى تاجى­ريبە الماسۋ, زەردەلەۋ بولا­تىن. قوستانايداعى «سارى­ارقااۆتوپروم» مەن وزبەك­ستاندىق «G Uzbekiston» زاۋىتتارى ىنتىماقتاسا جۇمىس ىستەيتىن بولادى. تاياۋ ارادا وزبەكستان جاعىنان ءبىز ءۇش مىڭ ماشينا جيناقتالىمىن الىپ, وزىمىزدە قۇراستىرىپ, ساپقا قويامىز, − دەيدى ارحيمەد بەگەجان ۇلى.  دەگەنمەن, قوستانايلىق «سارىارقااۆتوپروم» كاسىپ­ورنى­نىڭ وزبەكستاندىق ارىپ­تەسىمەن ىنتىماعى زاۋىت­تاعى يگى ىستەردىڭ ءبىر پاراسى عانا. قوستانايلىق زاۋىتتىڭ نە­گىزگى ماقساتى الداعى ۋاقىتتا ەلەكت­روموبيلدەر ءوندىرۋ بولىپ وتىر. ەكسپو-2017 حالىق­ارالىق كورمەسىنە وبلىس JAC ەلەكتروموبيلدەرىن اپارادى.  قوستاناي وبلىسى دەلەگا­تسياسىنىڭ وزبەكستانعا ساپارىندا تۋريزم ماسەلەسى ەكى جاقتىڭ نەگىزگى ورتاق مۇددەسى ەكەنى ايتىلدى. تاشكەنتتىڭ تۇبىندە «چيمگان» تۋريستىك كەشەنىن وزبەك اعايىندار وز­دەرىنىڭ ەكىنشى شۆەيتساريا­سى دەپ اتايدى. تاريحى تەرەڭ سامارقان, بۇحارا دا قاشان­نان تۋريستەردىڭ سۇيىكتى ورنىنا اينالعان. مۇنداي قىزىق­تى ورىندى كورشى ەلدەن كوپتەپ ساناۋعا بولادى. ارحيمەد مۇحامبەتوۆ قوس­تا­نايلىق تۋريزم فيرمالارى مۇنى ءوز باعىتتارىنا قوساتىندىعىن ايتتى. ەكى ەل اراسىنداعى ءتۋريزمدى جانداندىرۋ ماسەلەسىن قا­زاق­ستاننىڭ وزبەكستانداعى تو­تەنشە جانە وكىلەتتى ەلشىسى ەرىك وتەمباەۆ تا قوزعادى.  – ءبىز قازىر ۇلى جىبەك جولى باعىتىن دامىتۋ ءۇشىن ارنايى ۇسىنىس ازىرلەپ جاتىرمىز. تۇركىستان, شىمكەنت, سامار­قان قالالارى بۇل باعىت­تىڭ نەگىزگى بەكەتتەرىنە اينالادى. بۇل باعىتتا جاسالاتىن جوبالار ەكى ەلدىڭ ىنتىماعىن كۇ­شەي­تە تۇسەدى, − دەدى ەرىك وتەمباەۆ. ساپار بارىسىندا اۋىل شارۋا­شىلىعى جانە وزگە سالا­لارداعى تاۋار الماسۋ ماسە­لەسى قارالدى. بۇل ورايدا وزبەك­ستاننىڭ كوكونىسى مەن قوستا­نايدىڭ التىن استىعى الدىمەن اۋىزعا ءىلىندى.  – قوستاناي وبلىسى وتە ءتيىمدى جەردە ورنالاسقان. ول رە­سەي­دىڭ ءۇش وبلىسىمەن شەك­تەسەدى, ءبىزدىڭ وبلىستان 600 شا­قىرىم راديۋستا شامامەن 20 ميلليون حالىق بار. قوس­تانايداعى يندۋستريا­لىق ايماققا ءوز كاسىپورىن­دارىڭ­­دى سالىپ, ونىڭ ءونى­مىن رەسەي نارىعىنا الىپ شىعۋ­عا تو­لىق مۇمكىندىك بار. ءبىز رە­سەي فەدەراتسياسىمەن ءبىر ەكو­نوميكالىق وداقتامىز. سون­دىقتان, كورشىمىزبەن تاۋار اي­نالىمى جىل سايىن ارتىپ كەلەدى. قازىر قازاقستان ارقى­لى وتەتىن باتىس ەۋروپا – باتىس قىتاي جولىنىڭ قۇرىلىسى سالىنۋدا. سوندىقتان, بۇل باعىت­تا لوگيستيكانى وتە ءتيىمدى پايدالانۋلارىڭىزعا بولادى, − دەدى وبلىس اكىمى ارحيمەد مۇحامبەتوۆ تاشكەنت پەن سا­مارقان قالالارى بيزنەس وكىل­دەرىمەن كەزدەسۋدە.  وسى ورايدا, قوستاناي وبلىسى ءىرى ترانسۇلتتىق لوگيس­تي­كالىق ورتالىققا اينالاتىن بولادى. قوستاناي وبلىسى اكى­مىنىڭ ورىنباسارى مەيىر­جان مىرزاليەۆ وزبەكستانعا قوستاناي جەرىنەن وندىرىلەتىن ازىق-ت ۇلىكتىڭ ەكسپورتتىق قۋا­تىنىڭ مىقتىلىعىن تىلگە تيەك ەتتى. مال ەتى, استىق, باس­قا دا ازىقتىق زاتتاردى وز­بەك­­­ستانعا جىبەرۋگە, ولار­دى قوس­تانايدىڭ قۇنار­لى توپى­راعىن­دا وزبەك كاسىپكەر­لەرىنىڭ جى­لىجاي, مال فەرمالارىن سالىپ, وزدەرى وندىرۋىنە دە مۇمكىندىك جاسالاتىنىن ايتتى. قوستانايلىق دەلەگاتسيا وزبەك اعايىندارعا مۇمكىندىك جاساۋ­دى بەكەر ۇسىنعان جوق. كەلەر جىلى وبلىس ورتالى­عىندا اگروونەركاسىپتىك لوگيس­تي­كا­لىق حاب-قويمانىڭ قۇرى­لىسى اياقتالماق. ول زاماناۋي توڭازىتقىشتارمەن, مۇز­دات­قىشتارمەن جابدىق­تالا­دى. سونىمەن قاتار, وندا اۋىل­شارۋا­شىلىق ونىمدەرىن وڭدەۋ الاڭدارى, كولىك قوياتىن ورىندار, قوناق ۇيلەر ورنالاسادى. كاسىپكەرلەر ءۇشىن وسى جەردەن ءونىم سەرتيفيكاتتارىن بەرۋ, كەدەندىك دەكلاراتسيالار الۋ ماسەلەلەرى شەشىمىن تاباتىن بولادى.  قوستاناي وبلىسى مەن وز­بەك­­­ستاننىڭ تاۋار اينالىسى وتكەن جىلعى ەسەپ بويىن­شا 94 ميلليون دوللاردى قۇرا­عان. ال ۇستىمىزدەگى جىلعى ناۋ­­رىز ايىندا قازاقستان مەن وز­بەكستان پرەزيدەنتتەرىنىڭ كەزدەسۋىندە ەكى ەل اراسىنداعى ساۋدا اينالىمىن 5 ميلليارد دوللارعا جەتكىزۋ قاجەتتىگى ايتىلدى. بۇل ۇلكەن مىندەت ەكەنى ايقىن. قوستاناي وبلىسىنىڭ وعان قوسار ۇلەسى جونىندە قا­زاق­ستاننىڭ وزبەكستانداعى تو­تەنشە جانە وكىلەتتى ەلشىسى ەرىك وتەمباەۆ كوپتەگەن جوبالار دايىندالىپ جاتقانىنان حاباردار ەتتى.  − ەڭ باستىسى, وندىرىستىك سا­لاداعى دامۋدى باسشىلىققا الاتىن بولامىز. سوندىقتان ءبىز كلاستەرلىك جوبالار جاساپ جاتىرمىز, وعان قوستاناي وبلىسى بەلسەندى قاتىسادى. ال اۋىل شارۋاشىلىعىنداعى تاۋار اينالىمى ءوز الدىنا ءبىر توبە. بۇل ورايدا دا, وزبەك­ستان مەن قوستاناي وبلىسى بىر­لەس­كەن كاسىپورىندار قۇرا­دى. بىرلەسكەن كاسىپورىن­دار وزبەكستان جانە قازاق­ستان كاسىپكەرلەرىنە دە ەۋرا­زيا­لىق وداق نارىعىنا شىعۋ­عا مۇم­كىندىك تۋعىزادى. ەكىن­شىدەن, وزبەكستان ارقىلى قازاقستان كا­سىپكەرلەرى اۋعان­ستان, پاكىس­تان, ءۇندىستان نارى­عىن قامتي­تىن بولادى, − دەدى ەلشى ەرىك وتەمباەۆ. دەمەك, قوستاناي دەلەگاتسيا­سىنىڭ وزبەكستانعا ساپارى ەل­باسىنىڭ ينتەگراتسيالىق ۇدە­رىس­تەردى دامىتۋ تاپسىرما­سىن ورىنداۋدا دا ماڭىزدى ەكەنىن ايتقىمىز كەلەدى. 

ءنازيرا جارىمبەتوۆا, 

«ەگەمەن قازاقستان»,

قايرات مۇقاتوۆ,

جۋرناليست

قوستاناي