مادەنيەتىمىز دامىماي, مارتەبەمىز كوتەرىلمەيدى

ءباسپاسوز ءماسليحاتىنا پار­لامەنت سەناتىنىڭ دەپۋتاتى جا­بال ەرعاليەۆ پەن ءماجىلىس دەپۋتاتى مايرا ايسينا قاتىستى. «مادەنيەتتى ساقتاۋدىڭ نەگى­زى مادەنيەتتى ساقتاۋ مەن ونى دا­مىتۋعا جاعداي جاسايتىن ۇلتتىق زاڭ شىعارۋشى بازاسى بولىپ تابىلادى. «بولاشاققا باعدار: رۋحاني جاڭعىرۋ» باعدارلامالىق ماقالاسىندا ەلباسى جاڭا تيپتەگى جاڭعىرۋدىڭ ءبىرىنشى شار­تى رەتىندە ۇلتتىق مادە­نيەت پەن ۇلتتىق كودىن ساقتاۋ­دى ايتىپ ءوتتى. بۇگىنگى كۇننىڭ تا­لاپتارى مەن بولمىس جاعدايى­نا سايكەس مادەنيەت جانە تا­ريحي-مادەني مۇرا سالاسىن­دا­عى قولدانىستاعى زاڭنا­ما­نى جەتىلدىرۋ – مادەنيەت سالاسىنداعى مەملەكەتتىك سايا­سات­تى جەمىستى جۇزەگە اسىرۋدىڭ كە­پىلى», – دەدى ءوز سوزىندە مينيستر. جاڭا زاڭ جوباسىنا باستا­ما­شى بولعان پارلامەنت ءماجى­لى­سىنىڭ دەپۋتاتتارى بولاتىن. بىرلەسكەن جۇمىستىڭ ناتيجە­سىندە ۇستىمىزدەگى جىلدىڭ 5 مامىر كۇنى ەلباسى نۇرسۇلتان نازارباەۆ «قازاقستان رەسپۋب­لي­كاسىنىڭ كەيبىر زاڭنا­مالىق اكتى­لەرىنە مادەنيەت ماسە­لەلەرى بويىنشا وزگەرىستەر مەن تولىق­تىرۋلار ەنگىزۋ تۋرالى» زاڭىنا قول قويدى. قۇجاتتا تەاتر ونەرى, مۋزەي جانە باسپا ءىسى, قا­زاق­ستان رەسپۋبليكاسى كىتاپ پالا­تا­سىنىڭ قىزمەتى جانە ت.ب. سالا­لارداعى وزەكتى پروبلەمالاردى شەشۋ كوزدەلگەن.  اتالعان زاڭ اياسىندا تەاتر­­لار­­دىڭ كوپتەگەن جاھاندىق جانە ماڭىزدى ماسەلەلەرى قاراس­­تىرىلعان. ماسەلەن, زاڭشى­عا­رۋ­شىلىق دەڭگەيدە العاش رەت  تەاتر الدىنا قويىلعان مىن­دەت­تەر ايقىندالىپ, تەاترالدى قويى­لىم, رەجيسسەر-قويۋشى, قويۋ­شى با­لەت­مەيستەر, قويۋشى سۋرەت­شى سەكىل­دى تۇسىنىكتەرگە انىق­تاما بەرىل­گەن. ودان باسقا, جاڭا زاڭناما مەم­لەكەتتىك تەاتر­لاردىڭ قىزمەتىمەن بايلانىستى سالىق تولەۋ پروبلەمالارىن شەشۋدى كوزدەيدى. «قولدانىستاعى زاڭناماعا اۋىل­دىق جەرلەردە كلۋب, كىتاپ­­ح­ا­نالاردىڭ جابىلۋ جاع­داي­لارىن رەتتەيتىن تولىقتى­رۋ­لاردىڭ ماڭىزى دا زور. مىسالى, 2013-2015 جىلدارى 40 مادەنيەت وشاعى جابىلعان. زاڭداعى جاڭالىقتار مادەنيەت وشاقتارىن قۇرۋ, قايتا قۇرۋ جانە جويۋ ماسەلەلەرىن قۇ­زىرلى ورگانمەن مىندەتتى كەلىسۋدى تالاپ ەتەدى. بۇل شارا مادەنيەت وشاقتارىنىڭ سەبەپسىز جابىلۋىنا بوگەت بولىپ قانا قويماي, مادەنيەت وشاقتارىنا مونيتورينگ جۇرگىزۋ مۇمكىندىگىن بەرەدى», دەدى ا.مۇحامەدي ۇلى.    «سونىمەن قاتار, زاڭداعى تو­لىق­تىرۋلار ەلباسىنىڭ ۇلتتىق مادەنيەت پەن مادەني-تاريحي مۇرانىڭ ساقتالۋى مەن دامۋى جو­لىنداعى ساياساتىنىڭ ساپالى جۇزەگە اسىرىلۋىنا ىقپال ەتەدى دەگەن سەنىمدەمىن», – دەدى ۆەدومستۆو باسشىسى.   پارلامەنت سەناتىنىڭ دەپۋتاتى جابال ەرعاليەۆ پەن پار­لامەنتى ءماجىلىسىنىڭ دەپۋتاتى مايرا ايسينا مادەنيەت جانە تا­ريحي-مادەني مۇرا سالاسىنداعى زاڭناماعا ەنگىزىلگەن وزگە دە وزگەرىستەر تۋرالى باياندادى. «مادەنيەت – ادامنىڭ اقىل ويىنىڭ جەمىسى. سوندىقتان ما­دەنيەت سالاسىنىڭ زاڭىن جاڭارتىپ وتى­رۋدى قاجەت دەپ ەسەپتەيمىز. ادە­بيەت سالاسى بويىنشا جازۋ­شى­لارعا جاسالىپ وتىرعان ءبىر قام­قورلىق بۇرىن مەملەكەتتىك تاپسىرىس بويىنشا كىتاپتىڭ تيراجى 2000 دانا بولسا, ەندى كىتاپتىڭ تيراجى 5000 داناعا جەتەتىن بولدى. وسىعان وراي جازۋشىلاردىڭ قالاماقىسى دا ارتاتىن بولادى», دەدى ج.ەرعاليەۆ.

راۋان قايدار, «ەگەمەن قازاقستان»