2017 جىلى پيلوتتىق جوبا ناتيجەلەرىنە تالداۋ جۇرگىزۋ قاجەتتىگىنە بايلانىستى كەلىسىمنىڭ قولدانىلۋ مەرزىمىن 2018 جىلدىڭ 31 جەلتوقسانىنا دەيىن ۇزارتىلاتىن بولدى. سونداي-اق سەناتورلار «قازاقستان رەسپۋبليكاسى مەن ازيا دامۋ بانكى اراسىنداعى قارىز تۋرالى كەلىسىمدى (جاي وپەراتسيالار) (واوەى 1 جانە 6-دالىزدەرىن قوساتىن «اقتوبە – ماقات» اۆتوموبيل جولىن رەكونسترۋكتسيالاۋ جونىندەگى جوبا) راتيفيكاتسيالاۋ تۋرالى» زاڭ جوباسىن دا تالقىلادى. 2016 جىلعى 7 جەلتوقساندا استانادا قول قويىلعان كەلىسىم «اقتوبە – ماقات» اۆتوموبيل جولىن رەكونسترۋكتسيالاۋدى قارجىلاندىرۋعا 240 300 مىڭ اقش دوللارى مولشەرىندە قارىز بەرۋدى كوزدەيدى. رەسپۋبليكالىق بيۋدجەتتەن قارىزدى بىرلەسىپ قارجىلاندىرۋ – 32 765 مىڭ اقش دوللارىن قۇرايدى. قارىز 5 جىلدىق جەڭىلدىكتى كەزەڭدى قوسا العاندا, 18 جىل مەرزىمگە بەرىلەدى. قارىزعا قىزمەت كورسەتۋدى جانە وتەۋدى رەسپۋبليكالىق بيۋدجەت قاراجاتى ەسەبىنەن قازاقستان رەسپۋبليكاسىنىڭ قارجى مينيسترلىگى جۇزەگە اسىراتىن بولادى. زاڭ جوباسى پالاتانىڭ قاراۋىنا جىبەرىلدى.
پارلامەنت سەناتى قارجى جانە بيۋدجەت كوميتەتىنىڭ كەڭەيتىلگەن وتىرىسىندا «2015 جىلعى 8 قىركۇيەكتەگى «تابيعي تەرىدەن جاسالعان كيىم زاتتارى, كيىمگە كەرەك-جاراقتار جانە وزگە دە بۇيىمدار» تاۋار پوزيتسياسى بويىنشا تاۋارلاردى باقىلاۋ (يدەنتيفيكاتسيالاۋ) بەلگىلەرىمەن تاڭبالاۋدى ەنگىزۋ جونىندەگى پيلوتتىق جوبانى 2015-2016 جىلدارى ىسكە اسىرۋ تۋرالى كەلىسىمنىڭ قولدانىلۋ مەرزىمىن ۇزارتۋ جونىندەگى حاتتامانى راتيفيكاتسيالاۋ تۋرالى» زاڭ جوباسى قارالدى.