قازاقستان 2017 جىلى "اسىق اتۋ" ۇلتتىق ويىنىن يۋنەسكو-نىڭ بۇكىلالەمدىك مادەني مۇرالار تىزىمىنە ەنگىزۋ تۋرالى ۇسىنىس بىلدىرمەك, دەپ حابارلايدى قر ءسىم ءباسپاسوز قىزمەتى. سونىمەن قاتار كەلەسى جىلى "قورقىت مۇراسى" اتتى كوپۇلتتى وتىنىمدەردى ۇيلەستىرۋ دە جوسپارلانعان.
اسىق اتۋ — قازاق حالقىنىڭ ۇلتتىق ويىندارىنىڭ ءبىر ءتۇرى. بۇل اسىق ويىنى ەپتىلىكتى قاجەت ەتەدى. ويىنشى قاجەتتى اسىقتى اتقاندا ەكى قولدىڭ ون ساۋساعىنىڭ كەز-كەلگەنىن پايدالانادى. بىراق اتۋ كەزىندە ساۋساقتى سۇيرەتىپ نەمەسە جاي ءتۇرتىپ اتۋعا بولمايدى. بۇلاي ىستەگەن جاعدايدا اسىق كەلەسى ويىنشىعا اۋىسادى.
ەستەرىڭىزگە سالا ەتسەك, وسىعان دەيىن ناۋرىز مەيرامى, قازاقشا كۇرەس پەن سۇڭقارمەن اڭ اۋلاۋ دا يۋنەسكو-نىڭ ماتەريالدىق ەمەس مادەني مۇرالار تىزىمىنە ەنگەن بولاتىن.