قر مەملەكەتتىك قىزمەتكەر ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ بۇيرىعىمەن سقو بويىنشا قر مەملەكەتتىك قىزمەتكەر ىستەرى جانە سىبايلاس جەمقورلىققا قارسى ءىس-قيمىل اگەنتتىگى جەمقورلىقپەن كۇرەس ۇلتتىق بيۋرو دەپارتامەنتىنىڭ (جەمقورلىقپەن كۇرەس قىزمەتى) باسشىسى مىندەتىن ۋاقىتشا اتقارۋشى بولىپ نىعمەدجان ساپاروۆ تاعايىندالدى, دەپ حابارلايدى قازاقپارات.
نىعمەدجان ساپاروۆ 1965 جىلى الماتى وبلىسى تالعار اۋدانى قىزىل-تۋ اۋىلىندا دۇنيەگە كەلگەن. كسرو ءىىم قاراعاندى جوعارى مەكتەبىن ءبىتىرىپ, قر ءىىم اكادەمياسىن «زاڭگەر», «مەملەكەتتىك جانە جەرگىلىكتى باسقارۋ ماگيسترى» ماماندىعىن الىپ شىققان. ەڭبەك جولىن 1984 جىلى بلاگوۆەششەنسكي جوعارى تانك كوماندالىق قىزىل شەبەرى ۋچيليششەسىندە قارۋ شەبەرى رەتىندە باستاعان.
1991-2014 جىلدارى ىشكى ىستەر ورگاندارى مەن قارجى پوليتسياسىندا ەڭبەك ەتكەن.
2014-2016 جىلدارى قر مەملەكەتتىك قىزمەتكەر ىستەرى جانە سىبايلاس جەمقورلىققا قارسى ءىس-قيمىل اگەنتتىگى جەدەل قىزمەت دەپارتامەنت باسشىسىنىڭ ورىنباسارى قىزمەتىن اتقارعان.
2016 جىلدىڭ اقپان ايىنان قازىرگە دەيىن جەمقورلىقپەن كۇرەس ۇلتتىق بيۋروسى دەپارتامەنتىنىڭ باسشىسى بولعان.