حالىقارالىق باسقوسۋعا قاتىستى

قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, پالاتانىڭ حالىقارالىق ىستەر, قورعانىس جانە قاۋىپسىزدىك كو­مي­تە­تىنىڭ مۇشەسى ءۋاليحان قالي­جا­ن بريتانيا پارلامەنتىنىڭ شا­قى­رۋىمەن لوندوندا وتكەن «كو­شى-قون جانە ساياسي باسپانا بەرۋ ماسەلەسى» دەپ اتالعان حا­لىق­ارا­لىق كونفەرەنتسياعا قاتىستى. ۋ.قاليجان كونفەرەنتسيادا قا­زاق­ستانداعى كوشى-قون جانە بوس­قىن­دار ەرەجەسى مەن ححI عاسىرداعى بوسقىندار مارتەبەسى بويىنشا كون­ۆەنتسيانى سايكەس­تەن­دىرۋدىڭ ءبۇ­گىنگى جاعدايى تۋرا­لى بايانداما جاسادى. دەپۋتات ءوز سوزىندە  قازاقستانداعى كوشى-قون جاعدايى كوپتەگەن وزگە­رىس­تەردى باستان كەشىرگەنىن اتاپ ءوتتى. سونىمەن بىرگە, ۋ.قاليجان تومەنگى پالاتانىڭ ىشكى ساياسات بوي­ىنشا كوميتەتىنىڭ توراعاسى كەيت ۆوزبەن كەزدەستى. وندا قا­زاق­ستان-بريتانيا پارلامەنت­ارا­لىق ىنتىماقتاستىعىنىڭ بۇگىنگى جاعدايى مەن كەلەشەگى تۋرالى دەپۋتاتتىق دوستىق توبى شەڭ­بەرىندە دامىتۋ ويلاستىرىلدى. كەزدەسۋ ناتيجەسىندە, بريتاندىق پارلامەنتشىلەر كوشى-قون ءما­سە­لە­سىنە ارنالعان كەلەسى كونفە­رەن­تسيانى استانادا وتكىزۋ جونىندە ۇسىنىس جاسادى, دەپ حا­بار­لادى ءماجىلىستىڭ ءباسپاسوز قىز­مەتى.