پارلامەنت ماجىلىسىندە 29 قىركۇيەكتە «جاڭا الەمدەگى جاڭا قازاقستان: تاۋەلسىزدىككە – 20 جىل» دەگەن تاقىرىپتا حالىقارالىق عىلىمي-تاجىريبەلىك كونفەرەنتسيا ۇيىمداستىرىلادى. ەلىمىزدىڭ جوعارعى وكىلەتتى ورگانى اتالعان شارانىڭ ايداربەلگىسىن بەكىتتى.
فورۋم جۇمىسىنا قازاقستان رەسپۋبليكاسى, قىرعىز رەسپۋبليكاسى, رەسەي فەدەراتسياسى پارلامەنتتەرىنىڭ, حالىقارالىق جانە قوعامدىق ۇيىمداردىڭ, بىرقاتار مينيسترلىكتەر مەن ۆەدومستۆولاردىڭ وكىلدەرى, عالىمدار مەن ساراپشىلار قاتىسادى دەپ كۇتىلۋدە.
كونفەرەنتسيا «تاۋەلسىزدىك پەن ۇلتتىق وي-سانانىڭ جەتىلۋى», «ءتاۋەلسىزدىك – جاڭا قازاقستاننىڭ باستى بايلىعى», «قازاقستان بارىسى مەن بەلارۋس زۋبرى: 20 جىل بويى بىرگە», «نۇرسۇلتان نازارباەۆتىڭ ەۋرازيا جوباسى: رەسەيلىك كوزقاراس», «قازاقستان قازىرگى گەوساياسي شىندىق الاڭىندا», ت.ب. وزەكتى تاقىرىپتاردى قامتيدى, دەپ حابارلادى ءماجىلىستىڭ باسپاسوز قىزمەتى.