تارازدا مەملەكەت جانە قوعام قايراتكەرى دىنمۇحامەد قوناەۆتى ەسكە الۋعا ارنالعان كۇرەستەن حالىقارالىق جارىس ءوتتى, دەپ حابارلادى جامبىل وبلىستىق دەنە شىنىقتىرۋ جانە سپورت باسقارماسى.
«تاراز-ارەنا» سپورت سارايىنداعى جارىسقا قازاقستانا, رەسەي, موڭعوليا, برازيليا, ارمەنيا, گرۋزيا, تاجىكستان, قىرعىزستان, وزبەكستاننان 150 سپورتشى قاتىستى.
بالۋاندار 57, 61, 65, 70, 74, 86, 97 جانە 125 كگ سالماق دارەجەسى بويىنشا كۇش سىناستى. قازاقستان قۇراماسى ءبىر التىن, ءبىر كۇمىس جانە ءتورت قولا مەدال يەلەندى.
حالىقارالىق جارىستى سپورت جانە دەنە شىنىقتىرۋ ىستەرى كوميتەتى, گرەك-ريم, ەركىن جانە ايەلدەر كۇرەسى فەدەاراتسياسى, جامبىل وبلىسىنىڭ دەنە شىنىقتىرۋ جانە سپورت باسقارماسى, جامبىل وبلىسىنىڭ ەركىن كۇرەس فەدەراتسياسى ۇيىمداستىرۋعا اتسالىستى.