ورتالىق كوممۋنيكاتسيالار قىزمەتىندە ەلىمىزدە جۇرگىزىلىپ جاتقان م ۇلىكتى زاڭداستىرۋ جونىندەگى اكتسياعا قاتىستى ءباسپاسوز ءماسليحاتى ءوتتى. وعان قارجى ۆيتسە-ءمينيسترى ارداق تەڭگەباەۆ قاتىستى.
ول قازىرگى كەزدە 3,9 ترلن تەڭگەنىڭ 3,5 ترلن تەڭگەسى زاڭداستىرىلعانىن ايتتى. ونىڭ ايتۋىنشا, 2015 جىلدىڭ سوڭىنا دەيىن, ياعني جاڭا زاڭنامالىق تۇزەتۋلەردى ەنگىزۋ ۋاقىتىنا دەيىن 425 ملرد تەڭگە زاڭداستىرىلىپتى. جالپى, م ۇلىكتى جاريا ەتۋ 8 ەسەگە ارتسا, ال اقشا بويىنشا 30 ەسەگە كوبەيگەن.
اكتسياعا 136 مىڭنان استام ادام, ونىڭ ىشىندە اقشانى زاڭداستىرۋ بويىنشا 7 مىڭنان استام ادام, شەت ەلدەگى م ۇلىكتى جاريا ەتۋ بويىنشا 283 ادام قاتىستى.
وسىعان بايلانىستى ول 4 كۇننەن كەيىن زاڭناماعا سايكەس رەسىمدەلمەگەن جىلجىمايتىن م ۇلىكتى زاڭداستىرۋعا ارنالعان قۇجاتتاردى اكىمدىكتەر جانىنداعى كوميسسيالارعا تاپسىرۋ مەرزىمى 30 قاراشادا اياقتالعانىن, مەملەكەتتىك كىرىستەر ورگاندارى ارقىلى جاريا ەتىلەتىن, قالعان م ۇلىك بويىنشا (ونىڭ ىشىندە اقشا), ءتيىستى دەكلاراتسيانى تاپسىرۋ مەرزىمى 2016 جىلعى 23 جەلتوقسانعا دەيىن بولاتىنىن اتاپ ءوتتى. «ياعني اتالعان مەرزىمدەر اياقتالعاننان كەيىن ءتيىستى مەملەكەتتىك ورگانداردىڭ كانداي دا ءبىر قۇجاتتاردى قابىلداۋعا, ال بانكتەر جاريا ەتۋ ماقساتى ءۇشىن شوتتاردى اشۋعا قۇقىعى جوق», دەپ ءتۇسىندىردى ۆيتسە-مينيستر. م ۇلىكتى جاريا ەتۋ ماسەلەلەرى جونىندەگى زاڭ 2014 جىلعى قىركۇيەكتەن باستاپ كۇشىنە ەندى.
م ۇلىكتى جاريا ەتۋدىڭ اياقتالۋىنا ءبىر ايعا جاقىن مەرزىم قالعاندىعىن ەسكەرە وتىرىپ, مينيسترلىك وكىلى ەل ازاماتتارىن وتكىزىلىپ وتىرعان اكتسيانى پايدالانۋعا شاقىردى.
داستان كەنجالين,
«ەگەمەن قازاقستان»