ءىىى توقساندا الەم بويىنشا سمارتفوندار ساۋداسىنان تۇسكەن وپەراتسيالىق كىرىس 9 ملرد دولارعا جەتتى. ونىڭ 91%-ى (8,19 ملرد دوللار) Apple-گە تيەسىلى, دەلىنگەن Strategy Analytics كومپانياسىنىڭ ەسەبىندە. Apple ءۇش توقسان ىشىندە iPhone ساۋداسىن تومەندەتكەنى تۋرالى حابارلاعانىنا قاراماستان, كومپانيا سمارتفوندار ساۋداسى سالاسىندا ەڭ جوعارى تابىسقا يە بولىپ وتىر. اتالمىش كومپانيانىڭ IV توقسانعا جاساعان رەسمي مالىمەتتەرىندە 11,76 ملرد دوللار كولەمىندە وپەراتسيالىق كىرىس كىرگەنى تۋرالى دەرەك بار. بۇل تەك iPhone ساۋداسى سەگمەنتكە عانا قاتىستى ەمەس. Apple-ءدىڭ جالپى تابىسى 38%-دى قۇرايدى.