باتىس قازاقستاندا جىل باسىنان بەرى 1239 جاڭا عيمارات, ونىڭ ىشىندە 1157 تۇرعىن ءۇي ماقساتىنداعى نىسان پايدالانۋعا بەرىلدى. بۇل تۋرالى وبلىستىڭ ستاتيستيكا دەپارتامەنتى حابارلادى.
2016 جىلعى قاڭتار-قازاندا ورىندالعان قۇرىلىس جۇمىستارىنىڭ كولەمى 80,7 ملرد تەڭگەنى نەمەسە 2015 جىلدىڭ قاڭتار-قازان دەڭگەيىنە 109,1% قۇرادى.
2016 جىلعى قاڭتار-قازاندا 1239 جاڭا عيمارات, ونىڭ ىشىندە 1157 تۇرعىن ءۇي جانە 82 تۇرعىن ۇيگە جاتپايتىن عيماراتتار پايدالانۋعا بەرىلدى. وسى ۋاقىت ارالىعىندا ءۇي قۇرىلىسىنا 17,0 ملرد. تەڭگە ينۆەستيتسيا باعىتتالعان نەمەسە 2015 جىلعى قاڭتار-قازان دەڭگەيىنەن 108,1%-عا كوپ. پايدالانۋعا بەرىلگەن تۇرعىن ۇيلەردىڭ جالپى الاڭى 210,0 مىڭ شارشى مەتردى قۇرادى, پايدالانۋعا بەرىلگەن تۇرعىن ءۇيدىڭ ناقتى كولەمىنىڭ يندەكسى 2015 جىلعى قاڭتار-قازان دەڭگەيىنە 118,9% قۇرادى.
2016 جىلعى قاڭتار-قازاندا جۇرتشىلىق قاراجاتى ەسەبىنەن 136,0 مىڭ شارشى مەتر تۇرعىن ۇيلەر, رەسپۋبليكالىق بيۋدجەت قاراجاتى ەسەبىنەن - 36,7 مىڭ شارشى مەتر جالعا بەرىلەتىن كوممۋنالدىق تۇرعىن ۇيلەر, كاسىپورىنداردىڭ جەكە قاراجاتى ەسەبىنەن - 37,3 مىڭ شارشى مەتر كوممەرتسيالىق تۇرعىن ۇيلەر پايدالانۋعا بەرىلدى. ىسكە قوسىلعان تۇرعىن ۇيلەردىڭ كوبەيۋى ورال قالاسىندا جانە ءبورلى, جاڭاقالا, قاراتوبە, تەرەكتى, شىڭعىرلاۋ اۋداندارىندا بايقالادى.