بۇل تۋرالى اقپارات جانە كوممۋنيكاتسيالار ءمينيسترى داۋرەن اباەۆ فەيسبۋك پاراقشاسىندا حابارلادى.
«قىمباتتى دوستار! بۇگىن اقپارات جانە تەلەكوممۋنيكاتسيالار سالاسىنداعى زاڭ جوباسىن ازىرلەۋ جونىندەگى جۇمىس توبىنىڭ كەزەكتى وتىرىسى وتەدى.
وزدەرىڭىز بىلەتىندەي, جۇمىس توبىنىڭ قۇرامىندا باق قىزمەتكەرلەرى, بايلانىس سالاسى مەن مەملەكەتتىك ورگانداردىڭ وكىلدەرى جۇمىس ىستەۋدە.
بۇگىنگە دەيىن توپ مۇشەلەرى زاڭ جوباسىنا وزگەرتۋلەر ەنگىزۋگە قاتىستى ەكى جۇزدەن استام ۇسىنىس بەردى. الدىمىزدا وسى ۇسىنىستاردى تالقىلاۋ مىندەتى تۇر.
بۇل ءوز قىزمەتىن اشىق تا ايقىن جۇرگىزۋدى كوزدەگەن ءبىزدىڭ مينيسترلىك باعىتىنىڭ تيىمدىلىگىن كورسەتەدى.
جالپى, ازاماتتىق سەكتورمەن, ساراپشى قاۋىممەن بىرلەسە وتىرىپ, اقپاراتتىق سالاداعى قۇقىقتىق الاڭدى جەتىلدىرۋ جۇمىسىن تابىستى ىسكە اسىراتىنىمىزعا سەنىمىم كامىل», – دەپ جازدى مينيستر.