الماتى كيپر تاجىريبەسىنە جۇگىنبەك

الماتى جانە كيپر تۋريستىك سەرۆيس سالاسىندا تاجىريبە الماسادى. "كيپردىڭ تۋريستىك سەرۆيستەن جيعان تاجىريبەسى مول جانە بىزگە بارىنشا قىزىق", - دەدى الماتى اكىمى باۋىرجان بايبەك كيپر رەسپۋبليكاسىنىڭ رەسەي فەدەراتسياسى مەن قازاقستانداعى ەلشىسى گەورگيوس كاسۋليديسپەن كەزدەسۋ بارىسىندا. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى. تاراپتار ساۋدا-ەكونوميكالىق, مادەني- گۋمانيتارلىق بايلانىستاردى ودان ءارى نىعايتۋ جانە تۋريزم سالاسىندا تاجىريبە الماسۋ ماسەلەلەرىن ءسوز ەتتى.

«الماتىدا 150-گە جۋىق ساۋلەت, تاريح, مادەني ەسكەرتكىشتەر بار. قازاقستاننىڭ يۋنەسكو-نىڭ بۇكىلالەمدىك مادەني مۇراعاتىنا ەنگەن سەگىز نىساننىڭ تورتەۋى, سونىڭ ىشىندە تالحيز قالاسى مەن تامعالى تاڭباسى بار قىرلى تاستار وڭتۇستىك استانا ايماعىندا. قازاقستان 2017 جىلدىڭ 1 قاڭتارىنان باستاپ 56 مەملەكەتتىڭ ازاماتتارى ءۇشىن ۆيزاسىز رەجيم كەستەسىن ودان ءارى كەڭەيتەدى. بۇدان وزگە الماتىدا بۇكىلالەمدىك قىسقى ۋنيۆەرسيادا وتەدى. كيپردىڭ تۋريستىك سەرۆيستەن جيعان تاجىريبەسى مول جانە بىزگە بارىنشا قىزىق», - دەدى ب.بايبەك. مەگاپوليس باسشىسى ەكى جاقتى ساۋدا-ەكونوميكالىق بايلانىستىڭ جوعارى الەۋەتىن دا اتاپ ءوتتى. مىسالى, 2016 جىلعى قاراشادا قالادا 44 بىرىككەن جانە 147 كيپرلىك كاسىپورىن تىركەلگەن. «الماتى ەل ەكونوميكاسىنىڭ بەس بولىگىن قۇرايدى, بۇل بيزنەس پەن شيكىزاتسىز جەكە كاپيتال قالاسى. مۇندا حالىقارالىق ۇيىمدار مەن ترانسۇلتتىق كومپانيالاردىڭ 60 كەڭسەسى, بانك وفيستەرىنىڭ 90%-دان استامى ورنالاسقان. ينۆەستورلارعا قولداۋ كورسەتۋدىڭ كەشەندى شارالارى جۇزەگە اسۋدا», - دەدى قالا باسشىسى. كيپر ەلشىسى ءوز كەزەگىندە تابيعي رەسۋرستار مەن ءبىلىم بەرۋ جانە باسقا دا سالالار بويىنشا بايلانىستى ودان ءارى نىعايتۋعا ىنتالى ەكەندەرىن ايتتى. گ.كاسۋليديس تىكەلەي اۋە قاتىناسىن اشۋدىڭ ۋاقىتى كەلگەنىن دە ءسوز ەتىپ, بۇل ەكىجاقتى تۋريستەر لەگىنە وڭ ىقپال ەتەتىنىن جەتكىزدى. ول ءوزىنىڭ سوزىندە الماتىنىڭ سۇلۋ قالا ءارى تابيعاتىنىڭ تىم كوركەم ەكەنىن تامسانا ايتتى. ال بۇل تۋريستەرگە بارىنشا تارتىمدى.