اقش-تىڭ پرەزيدەنتتىك سايلاۋىندا جەڭىلگەن حيللاري كلينتون وعان داۋىس بەرگەن حالىق سانى بويىنشا ترامپتان باسىم ءتۇستى. داۋىس بەرۋ ناتيجەلەرىن ساناۋ بارىسىندا كلينتون ترامپتان 2 ملن.-عا كوپ داۋىس جيناعانى بەلگىلى بولدى, دەپ حابارلايدى BBC.
8-قاراشادا وتكەن پرەزيدەنت سايلاۋىندا رەسپۋبليكالىق پارتيانىڭ وكىلى دونالد ترامپ جەكە شتاتتار بويىنشا داۋىس بەرۋ ناتيجەسىندە جەڭىسكە جەتكەن ەدى. جالپى داۋىس سانىن انىقتاۋ ءالى جالعاسىپ جاتىر. ونىڭ يناۋگۋراتسياسى قاڭتار ايىندا بولادى.
Cook Political Report بەرگەن مالىمەتتەر بويىنشا ترامپ 62,2 ملن داۋىس جيناسا, كلينتوندا بۇل كورسەتكىش 64,2 ملن-دى قۇرايدى.
بۇل كانديداتتىڭ حالىقتىڭ كوپ داۋىسىن جيناپ, پرەزيدەنت سايلاۋىندا جەڭىلگەن اقش تاريحىنداعى بەسىنشى جاعداي.