ءبىر-اق كۇندە ميلليونەر بولىپ ويانعاندار

لوتەرەيا ويىنىنان ءىرى ۇتىسقا يە بولۋدى كوكسەمەيتىن جان كەمدە-كەم بولار. اسىرەسە, اركىمنىڭ ماڭ­دايىنا بۇيىرا بەرمەيتىن “دجەك پوتتى” ۇتىپ الۋ جولىندا جىگەرى جاسىمايتىندار. ال, استانا قالاسى­نىڭ ە. ەسىمدى تۇرعىنى اي­تەۋىر ءبىر جولىنىڭ بولاتىنىنا سەنگەن. ونىمەن بىرگە 69 410 662 تەڭگەنى تەڭ­دەي بولىسكەن شىمكەنت­تىك ا. دا كۇتپەگەن جەردەن باقىتتى بيلەتكە يە بولعان.

سونىمەن 15 قاڭتاردا الماتى­داعى قازاقستان ءباسپاسوز كلۋبىندا “سۋپەر لوتو” ويىنىندا 69 410 662 تەڭگەنى (1-ءشى سانات بويىنشا) ۇتىپ العان ەكى جەڭىمپازدى ماراپاتتاۋ وقيعاسى بولىپ ءوتتى. “Kazakhstan Lottery ءServىse” جشس مەن “Samsung SDS” وكىلدەرى سۋپەرۇتىس­قا يە بولعان استانا مەن شىمكەنت قالا­سى­نىڭ تۇرعىندارىنا ارقاي­سى­سى 34 705 331 تەڭگە سوماسىنداعى چەكتى تاپسىردى. ال, جۋرناليستەرگە ءبىر-اق كۇندە ميل­ليونەر بولىپ ويان­عان جولى بولعىش­تارمەن سۇحباتتاسۋ ءساتى ءتۇستى. بۇل جەڭىمپازدار “سۋپەر لوتو­نىڭ” 9 قاڭتاردا وتكەن №6 تيراجى­نىڭ ناتيجەسى بويىنشا انىقتال­عان. ياعني, جەڭىمپازدار 38 ساننىڭ ىشىنەن 6 ساندى (1, 5, 8, 10, 19, 29) ءدال بول­جاپ­تى. مۇنداي ءىرى ۇتىستى ويىن­شىلار ءبىر رەتتىك تولەم تۇرىندە الماق. وسى ۋاقىتقا دەيىن قوڭىر كۇي كەشىپ, قارابايىر تىرشىلىكپەن كۇن كورىپ كەلگەن جەڭىمپازداردىڭ قۋا­نى­شى مەن تەبىرەنىسىن ايتىپ جەت­كىزۋ قيىن-اق. استانالىق 51 جاستاعى ينجەنەر ە. مىرزا كەڭەس وكىمەتىنەن بەرى لوتەرەيا بيلەتىن ساتىپ الىپ كەلگەن ەكەن. بىراق, بۇل جولى اعاسىنىڭ لوتەرەيا وينا­عان­دى جاق­سى كورەتىن بى­لەتىن قارىنداسى وعان ءدال ۇتىس بولا­تىن – سەنبى كۇنى 2 بيلەت سىي­­لاعان كورى­نە­دى, سونىڭ ءبىرى ءساتتى بيلەت بو­لىپ شىققان. ەكىنشى ۇتىسقا يە بولعان 56 جاس­تاعى شىم­كەنت­تىك ا. حا­نىم ءۇيىنىڭ ما­ڭىنداعى دۇ­كەن­­­نەن ەكى لو­تەرەيا بيلەتىن ساتىپ الىپتى. ەندى ول ەكى بي­لەتتىڭ ءبىرى ونىڭ دا تالاي تىلەكتەرىن جۇزەگە اسىراتىن بولادى. – قۇدايدىڭ پەندەلەرىنە بەرەرى دە, الارى دا مول. ءدال وسىنداي ءىرى ۇتىس مەنىڭ ماڭدايىما جازىلعان ەكەن. بۇل – بالا-شاعامنىڭ نەسى­بەسى, اللانىڭ ءبىزدى جارىلقاعانى دەپ بىلەمىن, – دەدى قۋانىشتان تولقىعان ا. ارىپتەستەرىمىزدىڭ “ال­دى­مەن بۇل قاراجاتتى قايدا جۇمسايسىز؟” دەگەن ساۋالىنا ول كىسى: – ەڭ ءبىرىنشى قوي ساتىپ الىپ, قۇرباندىق شالامىن. سودان كەيىن ەنەمدى الىپ, مەككەگە قاجىلىققا بار­عىم كەلەدى. قالعانىنا بالا­لارى­ما ءۇي-جاي, كولىك ساتىپ اپەرەمىن, – دەدى. استانالىق ە. كەڭەس وكىمەتىنىڭ كەزىنەن ءتۇرلى لوتەرەيالىق بيلەتتەردى كەمى 3-4-تەن ساتىپ الىپ كەلگەنىن, اندا-ساندا كىشى ۇتىستارعا يە بولعا­نىن, ءىرى ۇتىسقا ءبىرىنشى رەت قول جەتكىزگەنىن ايتادى. ول كىسى جۋرنا­ليستەردىڭ جوعارىداعىداي ساۋالىنا “مەن كوپ بالالى وتباسىندا ءوستىم. ءبىر ۇيدە 10 بالا تار­بيە­لەندىك. ەڭ ءبىرىنشى وسى بيلەتتى سىي­لاعان قا­رىن­داسىما قالا­عان ءۇيىن سا­تىپ اپەرەمىن. سوسىن باسقا باۋىرلارى­ما قارايلاسىپ, قالعانىن ءوز بالا­لارىم­نىڭ يگىلىگىنە جۇمساي­مىن”, دەپ جاۋاپ بەر­دى. استاناداعى تەمىرجولدا جۇمىس ىس­تەي­تىن ينجە­نەر ە. ۇتىسىنىڭ تاعى ءبىر بولىگىن لو­تەرەيا بيلەتىن الۋعا جۇمسايتىن­دىعىن ايتادى. – كتك ارناسىندا ۇتىس ءجۇرىپ جات­تى. بيلەتىمدەگى 4 سان ءدال كەل­گەن­دە جۇرەگىم ءجيى-ءجيى سوعا باستا­دى. 5- سان دا تۋرا كەلگەندە قۋا­نىشتان سەكىرىپ, ءۇيدى باسىما كوتەر­دىم. العاشقى ءۇش كۇندە ءتىپتى ۇيىق­تاي الماي, بۇل جاڭالىقتى كىممەن بولىسەرىمدى بىلمەدىم. سودان كەيىن بارىپ ەڭ جاقىن دوستارىما ايتۋعا شەشىم قابىلدادىم, – دەيدى ە. تەڭگە ميلليونەرىنە اينالعان استانالىق ينجەنەر دە 1991 جىل­دارى قايتا قۇرۋ كەزەڭىندە جۇمىس­تان قىسقارتىلىپ, تالاي قيىندىق­تى كورگەن, الماتى كوشەلەرىن سىپىرۋعا دا كونگەن. 2000 جىلى عانا تۇراقتى جۇمىسقا قول جەتكىزىپ, جاعدايى دۇرىستالعان. “ايتەۋىر ءبىر لوتەرەيادان ۇتاتىنىڭا كۇمان كەلتىرۋگە بولمايدى. وسىعان سەنۋ كەرەك جانە ويناۋ قاجەت” دەيدى ول. ا. اپاي ءوزى بەلگىلەگەن 6 ساننىڭ دا ءدال كەلۋى اللانىڭ سىيى دەپ بىلەدى. العاشىندا ول كىسى دە قۋا­نىشتان ۇيىقتاي الماي, ءتىپتى تاما­عىنان اس وتپەگەن. زەينەتكەر ايەل وزدەرى وزبەك­ستاندا تۇرعاندا ابدەن تۇرمىس تاپشى­لىعىن كورىپ, 1999 جىلى قازاقستانعا كوشىپ كەلگەننەن كەيىن دە ءۇيسىز, جا­رىق­­سىز, جۇمىسسىز ءبىراز قينال­عانىن ايتادى. اۆتوبۋس جوندەۋمەن اينا­لىس­قان جولداسىنىڭ تاپقانى تاماقتارىنا دا جەتپەي, تارشىلىق­تىڭ تاۋقىمەتىن تارتقان. تەك ەل­باسى­نىڭ ورالمان­دارعا باس­پانا بەرىپ, جاعداي تۋعىزۋ جونىندەگى جارلىعى شىققاننان كەيىن عانا جاعدايلارى وڭالا باستا­عان كورىنەدى. – ەڭ باستىسى, باسىمىز امان, بالالارىمىزدىڭ دەنساۋلىعى جاقسى بولسىن! اۋرۋ ادامعا باي­لىقتىڭ نە كەرەگى بار؟! – دەگەن ا. قوماقتى ۇتىستى قۇدايدىڭ بەرگەنى دەپ قايتالاۋىنان جازبادى. قىسقاسى, بۇل 2 جەڭىمپازدان بولەك, 2009 جىلى 19 جەلتوقساندا وتكىزىلگەن №3 تيراجدا استانا, الماتى, تاراز, جانە شىمكەنت قالالارىنان 4 ادام 2 سانات بويىنشا 5 ساندى ءدال تاۋىپ جانە قوسىمشا جەڭىلدىككە بەرىلگەن ساندى تۋرا بولجاپ, 10 405 733 تەڭگەدەن ۇتىپ العان. بىراق, شىمكەنتتىك ۇتىس يەسى ءالى حابارلاسپاعان, قالعاندارى ءوز ۇتىستارىنا يە بولىپتى. ءباسپاسوز ءماسليحاتىندا “سۋپەر لوتو” ۇيىمداستىرۋشىلارى 1-دەن 10-شى تيراجعا دەيىن سۋپەرسىيلىق ەڭ كەمى 50 ميلليون تەڭگە بولۋىنا كەپىلدىك بەرەتىندىكتەرىن مالىمدەدى. بيلەتتەردى ساتىپ الۋ بازارلاردا, ساۋدا ورتالىقتارىندا, ايالدامالاردا ورنا­لاسقان ونلاين-تەرمينالدار ارقىلى جۇزەگە اسىرىلادى. مۇمكىندىك رەتىندە بەرىلەتىن 38 ساننىڭ ىشىنەن ويىنشا كوڭىلى قالاعان 6 ساندى تاڭداپ, تۇبىرتەك تولتىرادى دا ونى ونلايندا تىركەيدى. بارىنشا اشىق, جاريا تۇردە جۇرگىزىلەتىن بۇل جاڭا لوتو جۇيەسى وسىنداي جۇيەلەر جاساۋدىڭ الەمدەگى ۇزدىكتەرىنىڭ ءبىرى – “Samsung SDS” كومپانياسىنىڭ قاتىسۋىمەن قۇرىل­عان. ۇتىس ءار سەنبى سايىن كتك تەلەار­ناسىندا ساعات 20.20-دا تىكەلەي ەفيردە جۇرەدى. ءبىر ويىننىڭ قۇنى 100 تەڭگە. قازىرگى ۋاقىتتا سۋپەرۇتىس 55 ميلليون تەڭگەنى قۇرايدى. ەگەر ونى ەشكىم ۇتىپ الماسا, كەلەسى تيراجعا وتەدى. ايناش ەسالي, الماتى. بالاباقشالار كوبەيە باستادى ەلباسى ن.نازارباەۆتىڭ بىل­تىرعى جىل سوڭىندا تەلەارنالار ارقىلى تىكەلەي جەلىدەگى ساۋال-سۇحباتىندا مەكتەپ جاسىنا دەيىنگى بالالار مەكەمەسىنىڭ تاپشىلىعى تۋرالى كوپتەگەن سۇراقتار قويىل­عانى بەلگىلى. بۇل ماسەلە اقمولا وبلىسىندا دا وتكىر كۇيىندە تۇر. وبلىستىق ءبىلىم بەرۋ دەپارتامەنتىنىڭ دەرەك­تەرىنە قاراعاندا, قازىرگى كەزدە قول­دا بار 100 مەكتەپكە دەيىنگى مەكەمە مەن 152 شاعىن باقشادا 15200 بال­عىن تاربيە الۋدا. سوعان قاراماس­تان, كەزەك كۇتۋشىلەر سانى 12234-كە جەتىپ وتىر. ياعني, سۇرانىستىڭ 50 پايىزعا جۋىعى قاناعاتتاندىرىل­ماي وتىر. وبلىس ورتالىعى كوكشەتاۋ قالا­سىن­داعى جاعداي ءتىپتى كۇردەلى ەكەندىگىن ايتۋ قاجەت. كەزەكتىڭ ازايماۋى ارىز-شاعىمداردى تاس­قىن­داتاتىنى بەلگىلى. ماسەلە ارنايى جوبامەن سالىنعان اسەم عيماراتتاردىڭ جوقتىعىندا ەمەس, ولاردىڭ ءارتۇرلى جاعدايدا جەكەشە­لەندىرىلىپ نەمەسە ءتۇرلى مەكەمە­لەردىڭ قاراۋىنا بەرىلىپ كەتۋىندە بولىپ تۇر. قالادا سەكسەنىنشى جىلدارى 37 بالالار باقشاسى جۇمىس ىستەسە, بۇگىنگىسى 9 عانا. وسىعان بايلانىستى, وبلىس جانە قالا باسشىلىعى باتىل قا­دام­داردى باستادى. تاباندى ۇيىم­دىق-تۇسىنىك جۇمىستارىنىڭ ناتي­جەسىندە 18 بالاباقشا عيما­راتى كوممۋنالدىق مەنشىككە قايتارىل­دى. قازىر مۇندا قايتا جوبالاۋ مەن جاراقتاندىرۋ جانە كۇردەلى جوندەۋ جۇمىستارى قولعا الىندى. الداعى جىلى 320 ورىن­دىق جاڭا بالاباقشا سالىنىپ, ءدال وسىنشا ورىن­دىق “ايگولەك” باق­شاسى قالپىنا كەلتىرىلەدى, جابى­لىپ قالعان “وگونەك” مەكتەپ جاسى­نا دەيىنگى مەكەمەسى بالعىن­دارعا قايتادان ەسىگىن اشادى دەپ جوس­پارلانۋدا. سونىمەن قاتار, №17 ور­تا مەكتەپ جانىنان شاعىن مەكتەپ-باقشانىڭ اشىلاتىنى دا تۇرعىندار قۋانى­شىن ەسەلەي تۇسپەك. باقبەرگەن امالبەك, اقمولا وبلىسى. ايازدا بالىق اۋلاۋ قاۋىپسىز ەرمەك ەمەس بۇل كۇندە بالقاش جاقتا جايسىز حابارلار جيىلەپ كەتىپ ءجۇر. قاڭتاردىڭ قاقاعان ايازىنا قاراماستان, كولگە بالىق اۋلاۋعا شىعۋشىلار كەيبىرىنىڭ قازاعا ۇشىراۋى كەزدەسۋدە. اينالاسى جيىرما شاقتى كۇن ىشىندە 5 ادام وپات بولىپ, 4-ءۋى اۋىر ۇسىككە شالدىقتى. وتكەن جىل اياعىندا بىرىنەن سوڭ ءبىرى ورىن العان قايعىلى ەكى وقيعا اۋەسقوي بالىقشىلاردى ۇركىتكەندەي بولعانىمەن, تەز ۇمىتىلىپ, ايدىنعا قارماق سالۋعا تاۋەكەل ەتۋشىلەر تىيىلار ەمەس. العاشقىسىندا ساياق كەنتىنىڭ 5 تۇرعىنىن اۆتوكولىكتەرىمەن كەنەتتەن بولشەكتەنگەن مۇز بولىگى سۋ اعىسى ارقىلى الماتى وبلىسىنىڭ قاراتال ايماعى جاعىنا اعىزىپ اكەتەدى. جەدەل ىزدەستىرۋ توبى ءبارىن قۇتقارىپ قالدى. وكىنىشكە قاراي, ىشتەرىندەگى ەڭ جاسى كەيىندە ۇسىكتەن قايتىس بولسا, قالعاندارى اياق-قولدارى مەن ساۋساقتارىنان ايىرىلىپ, مۇگەدەكتىككە ۇشىرادى. وسىنداي جايلاردى ەستىپ-بىلگەندەرىمەن بالىق اۋلاۋعا اتتانعان سارىشاعان ستانساسى 7 تۇرعىننىڭ 2-ءۋى ۇيلەرىنە ورالا المادى. بالىقشىلىقتىڭ قىزىعىنا ءتۇسىپ كەتىپ, توسىن جاعدايعا تاپ بولۋشىلاردىڭ ءبىرازى وزدەرى­نە ەكىنشى ءومىر سىيلاعان ىزدەستىرۋ-قۇتقارۋ توبى ساربازدارىنىڭ ەرلىككە تەڭ ىستەرىنە قارىزدار. بالقاش قالالىق توتەنشە جاعدايلار باسقارما­سىنىڭ ارناۋلى توبىنا قازىر جۇمىس كوپ. بالقاش سياقتى مۇزى كەيبىر تۇستارىندا جۇقا قاتاتىن شالقار كولدە بالىق اۋلاۋ قاۋىپسىز ەرمەك ەمەستىگى كوپشىلىككە بەلگىلى. سولاي بولعانىمەن, جىلدا وسىنداي وقيعالار قايتالانىپ جاتاتىنىن قايتەرسىز. ايقىن نەسىپباي, قاراعاندى وبلىسى.