بۇگىن نازارباەۆ ۋنيۆەرسيتەتىندە تاۋەلسىزدىكتىڭ 25 جىلدىعىنا وراي "ماڭگىلىك ەلدىڭ ماڭگىلىك ءتىلى" اتتى حالىقارالىق سيمپوزيۋم ءوتتى. سيمپوزيۋم جۇمىسىنا ەلىمىز بەن شەت ەلدەردىڭ əدەبيەتشىلەرى مەن ءتىل ماماندارى, تۇركىتانۋشى عالىمدار, قوعام قايراتكەرلەرى مەن وقىتۋشىلار قاتىستى.
شاراعا قاتىسقان سەنات دەپۋتاتى ءƏدىل احمەتوۆ قازىر ەلىمىزدە قازاقتاردىڭ 75-80 پايىزى تۋعان تىلىندە سويلەيتىنىن جەتكىزدى. "نازارباەۆ ۋنيۆەرسيتەتىندە ازات ەلدىڭ تىلىنە ارنالعان ۇلكەن شارا ىسكە اسىپ جاتىر. بۇل وتە جاقسى باستاما. قر پرەزيدەنتى نۇرسۇلتان نازارباەۆتىڭ "تىلىمىزدەن, دىنىمىزدەن, سالت-دəستۇرىمىزدەن ايىرىلىپ قالاتىن بولساق, ۇلت بولماي قالامىز" دەگەن ءسوزى بار. سوندىقتان, بۇگىنگى ماسەلە - ءتىل بولىپ تۇر. ءتىل - ەلدىڭ تىرەگى. ەڭ نەگىزگى قۇرالى, ەڭ نەگىزگى سيمۆولى. ەلىمىزدىڭ ەڭ باستى جوعارى وقۋ ورنى - نازارباەۆ ۋنيۆەرسيتەتىندە تىلگە وسىنداي دەڭگەيدە قۇرمەت كورسەتىلسە, باسقا ۋنيۆەرسيتەتتەر ودان ۇلگى الادى. كەزىندە ەلباسى "اسىقپاڭدار, ءوز ۋاقىتى كەلەدى, از ۋاقىت كۇتىڭدەر" دەگەن ەدى. مىنە, قازىر قازاقتاردىڭ 75-80 پايىزى قازاق تىلىندە سويلەيتىن بولدى. كەلە-كەلە, 90-95 پايىزعا جەتەمىز. قازاق ءتىلدىڭ قالقاسىندا ورىس ءتىلىن بىلگەنىمىز ارتىق بولمايدى, اعىلشىن ءتىلىن بىلگەنىمىز - ءتىپتى دە ارتىق ەمەس. اعىلشىن ءتىلى - عىلىمنىڭ ءتىلى, مەملەكەتتىك ساۋدا-ساتتىقتىڭ ءتىلى. ءتىل مامانى بولعاندىقتان ايتارىم, اعىلشىن ءتىلى ەڭ وڭاي تىلدەردىڭ ءبىرى", - دەدى دەپۋتات.
سيمپوزيۋمدا قازاقستاندا قازاق ءتىلى وقىتۋشىلارىنىڭ حالىقارالىق قاۋىمداستىعى قۇرىلۋ مۇمكىندىگى قاراستىرىلدى. قاۋىمداستىقتىڭ باستى ماقساتى قازاق ءتىلىن وقىتۋدىڭ يننوۆاتسيالىق əدىستەرىن جەتىلدىرۋ بولماق.