بۇگىن, 2016 جىلعى 24 قاراشادا وزبەكستاندا پرەزيدەنتتىك سايلاۋعا الدىن الا داۋىس بەرۋ باستالدى. ۋچاسكەلەر جۇمىسىن جەرگىلىكتى ۋاقىت بويىنشا ساعات 9.30-دان باستادى. داۋىس بەرۋ مەملەكەت باسشىسىن سايلاۋ تۋرالى زاڭعا سايكەس 2 جەلتوقساندا اياقتالادى, دەپ حابارلايدى ريا نوۆوستي.
وزبەكستاننىڭ تۇڭعىش پرەزيدەنتى ەكىنشى قىركۇيەكتە 78 جاسقا قاراعان شاعىندا ينسۋلتتەن كوز جۇمعان ەدى. ونىڭ مىندەتىن ۋاقىتشا اتقارۋشى بولىپ پرەمەر-مينيستر شاۆقات ميرزيەەۆ تاعايىندالعان. سايلاۋ 4 جەلتوقساندا وتەدى. مەملەكەت باسشىسى بەسجىلدىق مەرزىمگە تاعايىندالادى.
زاڭعا سايكەس ءارتۇرلى سەبەپتەرمەن داۋىس بەرۋ كۇنى سايلاۋعا قاتىسا المايتىن وزبەكستان ازاماتتارىنا الدىن الا داۋىس بەرۋ مۇمكىندىگى بار. الدىن الا داۋىس بەرۋ سايلاۋعا دەيىن ون كۇن بۇرىن باستالادى دا سايلاۋعا ءبىر كۇن قالعاندا اياقتالادى.
«زاڭ تالابىنا سايكەس سايلاۋ ۋچاسكەلەرىندە مەرزىمىنەن بۇرىن داۋىس بەرۋ 24 قاراشادا باستالىپ, 2 جەلتوقساندا اياقتالادى. سايلاۋشىلار بۇل كۇنى ساعات 9. 00-دەن 18.00-گە دەيىن ۋچاسكەلىك سايلاۋ كوميسسياسىنا جۇگىنە الادى», - دەپ حابارلادى وسك وكىلى.
وزبەكستاننىڭ وسك دەرەكتەرىنە سايكەس سايلاۋ وتكىزۋ ءۇشىن 9381 سايلاۋ ۋچاسكەسى قۇرىلدى, ونىڭ 44-ءى ەلدەن تىس جەردە. 21, 435 سايلاۋشى داۋىس بەرۋى ءتيىس. ەلدە تىركەلگەن 4 پارتيا مەملەكەت باسشىسىنىڭ ورنىنا ۇمىتكەرلەرىن ۇسىندى.