بۇگىن تاڭەرتەڭ وسكەمەندەگى اكىمشىلىك پوليتسيا باسقارماسىنا جاقىن ماڭداعى ماشزاۋىت اۋدانىندا جول-كولىك وقيعاسى بولدى. تاۋەلسىزدىك داڭعىلىنان زاششيتا اۋدانىنا قاراي بۇرىلعان تويوتا كولىگى ترامۆاي كولىگىنىڭ رەلستى سورابىن كەسىپ وتپەك بولعانىندا ءبىر بۇيىردەن تەجەگىشىن باسىپ ۇلگەرمەگەن ترامۆاي كەلىپ سوعىپ, جەڭىل كولىكتى قارسىداعى باعانامەن اراعا كەپتەپ تاستادى.
– ترامۆاي جارامسىز بولىپ قالعاندىقتان ونى رەلسكە قويىپ, زاششيتاداعى ترامۆاي پاركىنە سۇيرەپ اپارامىز, دەيدى پارك ديرەكتورى اناتولي ۋسپەنسكي. وقيعا سالدارىنان "№3" ترامۆاي باعىتى ۋاقىتشا توقتاتىلدى. كۋاگەرلەردىڭ ايتۋىنشا, "تويوتا" كولىگىنىڭ جۇرگىزۋشىسى زارداپ شەكپەگەن. الايدا ونى كولىكتى كەسىپ شىعارىپ الۋعا تۋرا كەلگەن.
[video width="560" height="315" mp4="https://egemen.kz/wp-content/uploads/2016/11/VID-20161124-WA0012.mp4"][/video]
[video width="560" height="315" mp4="https://egemen.kz/wp-content/uploads/2016/11/VID-20161124-WA0004.mp4"][/video]
دۋمان اناش, "ەگەمەن قازاقستان" وسكەمەن.