پراگادا قازاقستاننىڭ چەحياداعى ەلشىسى سەرجان ابدىكارىموۆتىڭ چەحيا سىرتقى ىستەر ءمينيسترى ليۋبومير زاورالەكپەن كەزدەسۋى بولدى, دەپ حابارلادى قازاقستان سىرتقى ىستەر مينيسترلىگىنىڭ ءباسپاسوز قىزمەتى.
كەزدەسۋ بارىسىندا قازاقستاندىق ديپلومات چەحيا ءسىم باسشىسىنا قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي شىعارىلعان مەرەيتويلىق مەدالدى تابىس ەتتى.
س.ابدىكارىموۆ ل.زاورالەككە مەدالدى تابىستاپ تۇرىپ, ونىڭ قازاقستان رەسپۋبليكاسى پرەزيدەنتىنىڭ جارلىعىنا سايكەس, قازاقستان مەن چەحيا اراسىنداعى ەكىجاقتى قاتىناستاردىڭ قالىپتاسۋى مەن دامۋىنا قوسقان ەلەۋلى ۇلەسى ءۇشىن ناگرادتالعانىن اتاپ ءوتتى.
چەحيا ءسىم باسشىسى كورسەتىلگەن قۇرمەتكە ريزاشىلىعىن ءبىلدىرىپ, قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆقا شىنايى العىس سوزدەرىن جەتكىزۋدى سۇرادى.
كەزدەسۋ بارىسىندا ديپلوماتتار ەكى ەل اراسىندا ءار ءتۇرلى سالالاردا سەرپىندى دامىپ كەلە جاتقان ىنتىماقتاستىقتىڭ احۋالى مەن پەرسپەكتيۆالارىن تالقىلادى.