اكىمدىك پەن بيزنەستىڭ ارىپتەستىك بايلانىسى

مەملەكەت-جەكەمەنشىك ءارىپ­تەستىگى اياسىندا ەلىمىزدە ءبۇ­گىنگە دەيىن 335 جوبا جۇزەگە اسقان. «بۇل باعىتتاعى زاڭدارعا تولىقتىرۋلار مەن وزگەرتۋلەر ەنگىزىلدى, سونىڭ ناتيجەسىندە قۇجاتتار قاراۋ مەرزىمى ءۇش ەسەگە دەيىن قىسقاردى. ۆەدوم­ستۆوارالىق جوبا توبىنا جاڭا مىندەتتەر جۇكتەلدى, ەندى كەيبىر ساراپتامانى بانكتەر دە جۇرگىزە الادى», − دەدى اتىراۋدا وتكەن سەميناردا «قازاقستاننىڭ مەم­لەكەت-جەكەمەنشىك ارىپتەستىگى ور­تالىعى» اق ۆيتسە-پرەزيدەنتى ايدوس كوبەتوۆ. اتالعان ءادىستى دامىتۋدا ەلباسى تاپسىرماسىنا وراي مۇ­نايلى وڭىردە ەكى جوبا بويىنشا جۇمىس ءجۇرىپ جاتىر. ولار: وبلىس ورتالىعىنداعى «بالىقشى» شاعىن اۋدانىندا 160 ورىندىق بالاباقشانى جاڭعىرتۋ جانە اقساي اۋىلىندا دارىگەرلىك امبۋ­لاتوريا سالۋ. ال وبلىس اكىمى­نىڭ ورىنباسارى عۇمار ءدۇي­سەمباەۆتىڭ ايتۋىنشا, اتىراۋ قالاسىندا 20 بالاباقشا, 8 مەكتەپ, 1 دارىگەرلىك امبۋلاتوريانى مەملەكەت-جەكەمەنشىك ءارىپ­تەستىگى جۇيەسى نەگىزىندە ىسكە اسىرۋ جوسپاردا بار. باقىتگۇل باباش, «ەگەمەن قازاقستان» اتىراۋ