قازاقستان پرەزيدەنتى وتاندىق جانە حالىقارالىق باق وكىلدەرىمەن كەزدەستى, دەپ جازادى اقوردانىڭ رەسمي سايتى.
اڭگىمە بارىسىندا مەملەكەت باسشىسى قازىرگى كۇن تارتىبىندەگى مەيلىنشە وزەكتى ساۋالدارعا جاۋاپ بەردى.
كەزدەسۋگە قاتىسۋشىلار «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋدى ىسكە اسىرۋ اياسىندا ەل ەكونوميكاسىن ترانسفورماتسيالاۋ ۇدەرىسىنىڭ بىرقاتار اسپەكتىلەرىن, سىبايلاس جەمقورلىققا قارسى كۇرەس ماسەلەلەرىن, قازىرگى ساياسي جاڭعىرۋ كەزەڭىنىڭ ەرەكشەلىكتەرىن, بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قازاقستاننىڭ سىرتقى ساياسي باسىمدىقتارىن, سونداي-اق باسقا دا ماڭىزدى جايتتاردى تالقىلادى.
كەزدەسۋگە «قازاقستان», «حابار», «مير» تەلەارنالارىنىڭ, «ايقىن» گازەتىنىڭ, «Esquire» جۋرنالىنىڭ, «قازاقپارات» اقپارات اگەنتتىگىنىڭ جۋرناليستەرى قاتىستى.