"قازاۆتوونەركاسىپ" كومپانياسىنىڭ مالىمەتىنشە, اقپان ايىندا رەسمي ديلەرلەر 2567 كولىك ساتقان. بۇل قاڭتار ايىمەن سالىستىرعاندا 12,2 پايىزعا ارتىق. دەگەنمەن, 2016 جىلدىڭ اقپانىمەن سالىستىرعاندا 26,1 پايىزعا كەم.
ەڭ كوپ سۇرانىسقا يە كولىكتەردىڭ كوش باسىن اقپان ايىندا Lada باستادى. ءبىر ايدا بۇل كولىكتىڭ 467-ءسى ساتىلسا, ەكىنشى ورىنداعى Toyota كولىگىنىڭ 465-ءى ساتىلعان. ال ءۇشىنشى ورىنداعى Renault كولىگىنىڭ 238-ءى ساتىلدى. سونىمەن قاتار ۇزدىك بەستىكتە Ravon (159) مەن Hyundai (154) بار.
بۇلاردان بولەك ۇزدىك وندىققا Volkswagen (152), GAZ (150), KIA (136), Nissan (91) جانە UAZ (87) كولىكتەرى كىردى.
ماركالار بويىنشا ەڭ جوعارى سۇرانىسقا يە كولىك Toyota Camry (186 دانا). ەكىنشى جانە ءۇشىنشى ورىندا تيىسىنشە, Lada Largus (164) جانە Lada 4x4 (135). بەستىكتىڭ قاتارىندا بۇلاردان بولەك Ravon Nexia (126) مەن Volkswagen Polo (118) بار.
جاڭا كولىك ساتىپ الۋ بويىنشا اقپان ايىندا الماتى قالاسى (730 كولىك) كوش باسىنا شىقتى. ەكىنشى ورىنداعى استانا قالاسىندا 501 كولىك ساتىلسا, قوستانايدا 175 جاڭا كولىك ساتىلعان. ودان كەيىنگى ورىنداردا قاراعاندى (149), شىمكەنت (131), اقتاۋ (119), ورال (101), اقتوبە (96) جانە وسكەمەن (93) قالالارى.