ۇلتتىق بانك باسشىسى قازاقستان بانكتەرىنىڭ بىرىگۋىنە قاتىستى پىكىر ءبىلدىردى

قر ۇلتتىق بانك توراعاسى دانيار اقىشەۆ ەكى بانكتى بىرىكتىرۋ ماسەلەسى تۋرالى ويىن ايتتى, دەپ حابارلادى «قازاقپارات». ۇلتتىق بانك باسشىسى بانك سەكتورىن شوعىرلاندىرۋ ۇدەرىسى تۋرالى ءجيى ايتىلعانىن اتاپ ءوتتى. «بانك سەكتورىنداعى شىعىستار مەن شىعىنداردى وڭتايلاندىرۋ — شاراسىز ۇدەرىس. بانك اكتسيونەرلەرى قارجى ينستيتۋتتاردى كاپيتالداندىرۋ بويىنشا الداعى مىندەتتەمەلەر تۇرعىسىنان ولاردىڭ بيزنەسىنىڭ تابىستىلىعىن قامتاماسىز ەتۋگە قانشالىقتى قابىلەتتى ەكەنىن باعالاۋى ءتيىس. ياعني, وسى بانكتەردە بار مىندەتتەمەلەر بويىنشا ۋاقتىلى ەسەپتەسۋى كەرەك. ەلدەگى ەكونوميكالىق بەلسەندىلىك باياۋلاعان جاعدايدا, كوپتەگەن قارجى ينستيتۋتتارى ءۇشىن شوعىرلاندىرۋ ءۇردىسى ءتيىمدى شەشىم. سوندا ءبىر ينستيتۋتتىڭ كۇشتى جاقتارىن بىرىكتىرۋ ەسەبىنەن باسقا ينستيتۋتتىڭ ءالسىز جاقتارى جويىلىپ, ساۋ تەڭگەرىمدى قارجى ينستيتۋتى قالىپتاسۋى مۇمكىن», — دەدى اقىشەۆ. «بانكتەر بىرىگۋ نيەتى تۋرالى مەموراندۋمعا قول قويعاندا, نارىقتا باسقا بانكتەر تۋرالى اڭگىمەلەر ءجۇرىپ جاتقانىن بىلەمىن. بۇل ۇدەرىس جالعاسا بەرەدى جانە بيزنەستىڭ ەكونوميكالىق باعالاۋىنا نەگىزدەلەدى. ءبىز رەتتەۋشى رەتىندە ەلدە تۇراقتى قارجىلىق جۇيە قالىپتاسۋىنا مۇددەلىمىز. ەگەر بىرىكتىرۋدى دۇرىس دەپ بولجاساق, نارىقتا ويىنشىلاردى كووپەراتسيالاۋ نەمەسە شوعىرلاندىرۋ قارجى جۇيەسىنىڭ ورنىقتىلىعىن جاقسارتۋعا الىپ كەلەدى. ءبىز مۇنى قۇپتايمىز. كەشە ەكى بانك ءوز پىكىرلەرىن ايتىپ, بانك اكتسيونەرلەرى ۇلتتىق بانك باسشىلىعىمەن كەزدەستى. قاي ۇلگى بويىنشا العا جىلجيتىنىن كورسەتتى. ولار قاي جاققا جىلجۋ قاجەتتىگىن تۇسىنەدى دەپ ويلايمىن», — دەدى ۇلتتىق بانك باسشىسى. بۇدان بۇرىن حابارلانعانداي, «Tengri Bank» اق «Capital Bank Kazakhstan» اق-پەن بىرىگۋ نيەتتەرى تۋرالى مەموراندۋمعا قول قويدى. سونداي-اق ۇلتتىق بانك قازكوممەرتسبانك اكتسيالارىنىڭ باقىلاۋ پاكەتىن ساتىپ الۋ نيەتى تۋرالى ايتتى. بۇدان باسقا «تسەسنابانكتىڭ» «بانك تسەنتركرەديت» بانكىمەن بىرىگۋ مۇمكىندىگى تالقىلانىپ جاتقانى بەلگىلى.