KASE-ءنىڭ تاڭعى سەسسياسىنىڭ قورىتىندىسى بويىنشا, 16 ناۋرىز كۇنى 1 اقش دوللارى 317,99 تەڭگەگە تەڭەستى.
كەشە اقش فەدەرالدى رەزەرۆ جۇيەسىنىڭ دوللاردىڭ بازالىق مولشەرلەمەسىن 0,75-1,00 پايىزعا كوتەرگەنىنە قاراماستان, بۇگىن تەڭگەنىڭ باعامى كەشەگى كۇندىزگى سەسسيادان 0,06-عا نىعايعان.
تەڭگەنىڭ بۇلاي كوتەرىلگەنىنە مۇنايدىڭ قىمباتتاۋى سەبەپ بولۋى مۇمكىن. استانا ۋاقىتىمەن تاڭعى ساعات 11:10-دا برەنت ماركالى مۇناي باعاسى 52,12 دوللارعا كوتەرىلدى.
ەستەرىڭىزگە سالا كەتەيىك, وتكەن اپتا شيكىزات قۇنى 51 دوللاردان تومەن ءتۇسىپ كەتكەن ەدى.