VII ازاماتتىق فورۋمنىڭ نەگىزگى ەرەجەلەرىن جۇزەگە اسىرۋدا قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ الاڭىندا سىبايلاس جەمقورلىققا قارسى ءىس-قيمىل بويىنشا ازاماتتىق باستامالاردىڭ ءى كونگرەسى ءوتتى, دەپ جازادى strategy2050.kz.
ءىس-شارانى وتكىزۋگە مەملەكەتتىڭ سىبايلاس جەمقورلىققا قارسى ساياساتىنىڭ بەلسەندى جاقتاستارى – قازاقستاننىڭ ازاماتتىق اليانسى, «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسى جانە سىبايلاس جەمقورلىققا قارسى ءبىرىنشى مەديا-ورتالىعى باستاماشى بولدى.
قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى اتالعان باستاماعا جانە ءىس-شارانى ۇيىمداستىرۋعا قولداۋ ءبىلدىردى. ودان بولەك, اگەنتتىك ازاماتتىق اليانسپەن, قازاقستاننىڭ كاسىپوداقتار فەدەراتسياسىمەن جانە سىبايلاس جەمقورلىققا قارسى ءبىرىنشى مەديا-ورتالىعىمەن بىرلەسىپ 5 جوبانى جۇزەگە اسىرۋ جوسپارلانعان: - «قۇپيا ساتىپ الۋشى» ادىسىمەن قوعامدىق اۋديت; - مەملەكەتتىك قىزمەتتە مۇددەلەر قاقتىعىسىن قاراستىرۋ; - ساتىپ الىناتىن قىزمەتتەر جانە تاۋارلاردىڭ دالەلدەنگەن باعالارىنا مەملەكەتتىك ساتىپ الۋلاردى مونيتورينگتەۋ; - ەڭبەك ۇجىمدارىندا سىبايلاس جەمقورلىققا قارسى ناسيحات جانە سىبايلاس جەمقورلىق قاتەرلەرىن تالداۋ; - «جولداردا» سىبايلاس جەمقورلىققا قارسى ءىس-قيمىل بويىنشا 10 قادام». جالپى, كونگرەستىڭ قاتىسۋشىلارى سىبايلاس جەمقورلىققا قارسى جاڭا باستامالاردى جوعارى باعالاپ, قوعامدا سىبايلاس جەمقورلىققا توزبەۋشىلىكتى قالىپتاستىرۋ بويىنشا ىنتىماقتاستىققا دايىن ەكەندىكتەرىن جەتكىزدى.