اقش فەدەرالدى قور جۇيەسى (فرج) ەكى كۇندىك وتىرىس ناتيجەسىندە دوللاردىڭ بازالىق مولشەرلەمەسىن 0,25 پايىزعا كوتەرىپ, 0,75-1,00 پايىز ارالىعىنا جەتكىزدى. ايتا كەتەيىك, وتكەن جىلدىڭ جەلتوقسانىندا فرج بازالىق مولشەرلەمەنى 0,25-0,50 پايىزدان 0,50-,075 پايىزعا كوبەيتكەن ەدى. سول كەزدە 2017 جىلى بازالىق مولشەرلەمە ەكى نەمەسە ءۇش رەت كوتەرىلۋى مۇمكىن ەكەنى ايتىلعان.
كوميتەتتىڭ بۇل شەشىمىن ينۆەستورلار بۇرىننان كۇتىپ وتىرعان. ءتىپتى, فرج بۇنداي قادامعا جىل باسىندا بارادى دەگەن بولجام بولعان ەدى. دەگەنمەن, ترامپتىڭ اق ۇيگە كەلۋىمەن اقش قارجى ساياساتىنىڭ تۇراقسىزدانۋى فرج باسشىلىعىن كىدىرە تۇرۋعا ءماجبۇر ەتكەن.
Bloomberg اگەنتتىگىنىڭ مالىمەتىنشە, فرج ساراپشىلارى ءبىر اۋىزدان وسىنداي شەشىمدى قابىلداعان.
فرج-نىڭ مۇنداي قادامعا بارۋىنا ءبىرىنشى سەبەپ رەتىندە ساراپشىلار اقش-تاعى ينفلياتسيانىڭ كوبەيۋىن العا تارتادى. وتكەن جىلدىڭ جەلتوقسانىنداعى جيىندا فرج ءتورايىمى دجاننەت يەللەن ءبىر جىلدا بازالىق مولشەرلەمەنىڭ 3 رەت قاتارىنان كوتەرىلۋى مۇمكىن ەكەنىن ايتقان.
2017 جىلى ەندى فرج-نىڭ تاعى 6 جيىنى بولادى. ولار 2−3 مامىردا, 13−14 ماۋسىمدا, 25−26 شىلدەدە, 19−20 قىركۇيەكتە, 31 قازان-1 قاراشادا جانە 12−13 جەلتوقساندا.