حالىقارالىق ۆاليۋتا قورى قازاقستاننىڭ ەكونوميكالىق ءوسىمىن قىسقا جانە ورتا مەرزىمدە قارقىن الاتىنىن بولجايدى, دەيدى قوردىڭ قازاقستانداعى ميسسياسىنىڭ باسشىسى مارك حورتون.
«قازاقستانداعى ەكونوميكالىق ءوسىم قارقىنى 2017 جىلى 2,5 پايىزعا دەيىن كوتەرىلەدى دەپ جورامالدايمىز», — دەدى حورتون.
ونىڭ ايتۋىنشا, حۆق ەلدىڭ ورتا مەرزىمدىك بولاشاقتا قارقىندى دامىماق.
«ماسەلەن, 2020-2021 جىلدارعا قاراي مۇناي سەكتورىنداعى ءوسىم 4 پايىزعا ۇلعايماق. بۇل ەلدە قابىلدانىپ جاتقان شارالاردىڭ ارقاسىندا مۇمكىن بولماق», — دەدى قوردىڭ قازاقستانداعى وكىلى.
ەرتەرەكتە حۆق قازاقستان ءجىو ءوسىمىن 2017 جىلى 0,6 پايىز بولادى دەپ بولجاعان ەدى.
ال وتكەن اپتادا وتكەن ۇكىمەتتىڭ كەڭەيتىلگەن وتىرىسىندا قر ۇلتتىق ەكونوميكا ءمينيسترى تيمۋر سۇلەيمەنوۆ 2017 جىلعى ەكونوميكالىق ءوسىم 2 پايىز بولادى دەپ بولجاعان بولاتىن.
ەستەرىڭىزگە سالا كەتەيىك, 2016 جىلى قازاقستانداعى ءجىو ءوسىمى 1 پايىزدى قۇرادى.