پاۆلوداردا تۇرمىستىق تەحنيكا قالدىقتارىن قابىلداۋ اكتسياسى باستالدى, دەپ حابارلايدى 24حابار.
ەندى حالىقتان جينالعان ىسكە جاراماي قالعان تۇرمىستىق تەحنيكا قالدىقتارى جينالىپ, ارتىنان جويۋ ورىندارىنا جىبەرىلەدى. قازىر وبلىس ورتالىعىنداعى ءىرى ساۋدا ۇيلەرىنىڭ جانىنا ارنايى جاشىكتەر ورناتىلىپ جاتىر. اكتسيا اۋىل-ايماقتاردى دا قامتيدى. ازىرگە وبلىس بويىنشا تۇرمىستىق قالدىقتاردى وڭدەۋمەن ءبىر عانا كاسىپورىن اينالىسادى.
«بىزگە حالىق تۇسىنىستىكپەن قارايدى. قازىر ىستەن شىققان تۇرمىستىق تەحنيكانى دالاعا تاستاماي, ارنايى ورىندارعا تاپسىرۋ مادەنيەتى قالىپتاسىپ كەلەدى. قۋانارلىق جايت. قورشاعان ورتانى لاستايتىن زاتتاردى قابىلداۋدى الداعى ۋاقىتتا دا جالعاستىرا بەرەمىز», – دەيدى كاسىپورىن باسشىسى كيريلل مايوروۆ.
«قازاقستان رەسپۋبليكاسىنىڭ ەكولوگيالىق كودەكسىنىڭ 301-بابىنا سايكەس بىزدە تۇرمىسقا جارامايتىن قالدىقتارعا تىيىم سالىنادى. ولار, مىسالى, تۇرمىستا قولداناتىن جارامسىز تەلەديدار, ۇتىك, توڭازىتقىشتار سياقتى قالدىقتار. سوسىن ولاردى زالالسىزداندىرىپ, الماتى, استانا قالالارىندا ارنايى مەكەمەلەردە كومەدى», – دەپ اتاپ ءوتتى مەملەكەتتىك ەكولوگيالىق ينسپەكتور ازات امانتاەۆ.