ەاەو-داعى جۇمىسسىزدار سانى 2016 جىلدىڭ قاراشاسىندا جارتى ميلليوننان استى. بۇل تۋرالى ەۋرازيالىق ەكونوميكالىق كوميسسيا حابارلادى.
قاراشادا قازاقستانداعى جۇمىسسىزدار سانى 64,6 مىڭ ادامدى قۇراپ, 2015 جىلدىڭ قاراشاسىمەن سالىستىرعاندا 11%-عا وسكەن. وسى كەزەڭدە ارمەنياداعى ەڭبەك بيرجاسىندا تىركەلگەن جۇمىسسىزدار 5,9%-عا كوبەيگەن. ال بەلارۋس ەلىندە 17,1%-عا, قىرعىزستاندا 0,7%-عا جانە رەسەيدە 9,9%-عا تومەندەدى.
حالىقارالىق ەڭبەك ۇيىمىنىڭ سوڭعى مالىمەتى بويىنشا, ەاەو-داعى جۇمىسسىزدىق ورتا ەسەپپەن 5,4%-عا تەڭ. ونىڭ ىشىندە ارمەنيادا — 18,1% (2016 جىلدىڭ ءىىى توقسانى), قازاقستاندا — 5% (2016 جىلدىڭ قاراشاسى), قىرعىزستاندا — 7,6% (2015 جىل), رەسەيدە — 5,4% (2016 جىلدىڭ قاراشاسى). ەسەپكە الىنعان جۇمىسسىزدار سانى وداق ەلدەرىندەگىن ەكونوميكالىق بەلسەندى حالىقتىڭ جالپى كولەمىنىڭ 1,2%-ىن قۇراعان.