اتىراۋداعى وبلىستىق اۋرۋحانانىڭ رەنتگەن-حيرۋرگى مۇرات قايراليەۆ ءبىر ايدا 20-عا جۋىق وتا جاسادى. قولى جەڭىل دارىگەرگە العىسىن جاۋدىرعان 57 جاستاعى ناۋقاس «ميداعى قان اينالىم جۇيەسىنىڭ بۇزىلۋى» دەگەن دياگنوزىمەن اۋرۋحاناعا جاتقان. رەنتگەن-حيرۋرگ ناۋقاستىڭ اعزاسىنا ارتەريالىق قان تامىرى ارقىلى كىشكەنتاي كاتەتەر ەنگىزىپ, مونيتور ارقىلى ىشكى اعزانى باقىلاعانىن ايتادى. وسىنداي تاسىلمەن جاتىر موينى ىسىكتەرىن دە ەمدەۋگە بولادى ەكەن.
– ءبىر ايدا مۇنشا وتا جاسالعان ەمەس. بۇعان انگيوگراف دەپ اتالاتىن جاڭا مەديتسينالىق قۇرىلعى ارقىلى قول جەتتى. بۇرىن ءبىزدىڭ وبلىستا مۇنداي قۇرىلعى بولماعان ەدى. وسى قۇرىلعىنىڭ كومەگىمەن ينسۋلت اۋرۋىنىڭ الدىن الۋعا, جەدەل انىقتاۋ دياگنوزىن قويۋعا جول اشىلىپ وتىر. قۇرىلعى 340 ميلليون تەڭگەگە ساتىپ الىندى, – دەيدى وبلىستىق دەنساۋلىق ساقتاۋ باسقارماسىنىڭ باسشىسى امانبەك جۇمىروۆ.
جولداسبەك شوپەعۇل,
«ەگەمەن قازاقستان»
اتىراۋ