اتىراۋ وبلىسى بويىنشا قر تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى دەپارتامەنتىندەگىلەر حابارلاعانداي, «تەڭىزشەۆرويل» جشس اقپارات ۇسىنباعانى ءۇشىن اكىمشىلىك جاۋاپكەرشىلىككە تارتىلدى, دەپ حابارلادى "اق جايىق" باسىلىمى.
بۇدان بۇرىن دەپارتامەنت تشو-عا باسەكەلەستىكتى قورعاۋ سالاسىندا قر زاڭناماسىن بۇزۋ بەلگىلەرىنىڭ بار-جوعىن انىقتاۋ ماقساتىندا (اتاپ ايتقاندا, ادال باسەكەلەستىكتى ساقتاۋ ماسەلەلەرىمەن جەتە تانىسۋ ءۇشىن) تشو-عا ساۋال جولداعان بولاتىن. الايدا بەلگىلەنگەن مەرزىمدە جاۋاپ الا المادى. سوندىقتان كومپانياعا قاتىستى قر اقبتك 162-بابى («مونوپولياعا قارسى ورگاننىڭ نۇسقاماسىن ورىنداماۋ. اقپارات بەرۋ جونiندەگi مiندەتتەمەلەردi بۇزۋ جانە ءۇي-جايلار مەن اۋماققا كiرۋگە كەدەرگi جاساۋ») بويىنشا اكىمشىلىك ءىس قوزعالدى.
اتىراۋ قالالىق مامانداندىرىلعان اكىمشىلىك سوتىنىڭ قاۋلىسىمەن «تەڭىزشەۆرويل» جشس-نە 1600 اەك (3 393 600 تەڭگە) ايىپپۇل سالىندى.