ءمادريدتىڭ «رەالىندا» ونەر كورسەتەتىن پورتۋگاليالىق كريشتيانۋ رونالدۋ «التىن دوپ» جۇلدەسىندە بارلىعى 745 ۇپاي جينادى, دەپ حابارلادى vesti.kz.
France Football باسىلىمىنىڭ سىيلىعىنا بارلىعى 30 فۋتبولشى ۇمىتكەر اتاندى. جەڭىمپاز سپورت جۋرناليستەرى اراسىندا داۋىس بەرۋ ارقىلى انىقتالدى. 31 جاستاعى فۋتبولشى ءوز مانسابىندا ءتورتىنشى «التىن دوبىنا» قول جەتكىزىپ وتىر.
ەكىنشى ورىنعا ارگەنتينالىق ليونەل مەسسي (316 ۇپاي) جايعاسسا, ۇشتىكتى «اتلەتيكو» كلۋبىنىڭ فورۆاردى انتۋان گريزمانن (198 ۇپاي) تۇيىندەدى.
ايتا كەتەيىك, 2010-2015 جىلدار ارالىعىندا فيفا (حالىقارالىق فۋتبول فەدەراتسياسى) مەن فرانتسۋز باسىلىمى جىلدىڭ ۇزدىك ويىنشىسىن ۇلتتىق قۇرامالار كاپيتاندارىنىڭ, باس جاتتىقتىرۋشىلارىنىڭ, سونداي-اق جۋرناليستەردىڭ داۋىس بەرۋى ارقىلى انىقتاعان. ۇيىمداستىرۋشىلىق جۇمىستارىمەن اتالعان فەدەراتسيا اينالىسسا, ناگرادا «فيفا-نىڭ التىن دوبى» دەپ اتالعان.
ال بيىل فيفا مەن France Football اراسىندا ارىپتەستىك توقتاپ, جىل ويىنشىسىن باسىلىمنىڭ ءوزى ماراپاتتادى.
ناتيجەسى تومەندەگىدەي:
4. لۋيس سۋارەس («بارسەلونا»)
5. نەيمار («بارسەلونا»)
6. گارەت بەيل («رەال»)
7. رياد مارەز («لەستەر»)
8. دجەيمي ۆاردي («لەستەر»)
9. پەپە («رەال»)
9. دجانلۋيدجي بۋففون («يۋۆەنتۋس»)
11. پەر-ەمەريك وبامەيانگ («بورۋسسيا»)
12. رۋي پاتريسيۋ («سپورتينگ»)
13. زلاتان يبراگيموۆيچ («مانچەستەر يۋنايتەد»)
14. ارتۋرو ۆيدال («باۆاريا)
14. پول پوگبا («مانچەستەر يۋنايتەد»)
16. روبەرت لەۆاندوۆسكي («باۆاريا»)
17. ديميتري پايە («ۆەست حەم»)
17. لۋكا مودريچ («رەال»)
17. توني كرووس («رەال»)
سونىمەن قاتار, "التىن دوپ" جۇلدەسىنە ۇمىتكەر 11 فۋتبولشى تىلشىلەر تاراپىنان ەشقانداي داۋىسقا يە بولمادى. ولار: سەرحيو اگۋەرو («مانچەستەر سيتي»), كەۆين دە برەينە («مانچەستەر سيتي»), پاۋلو ديبالا («يۋۆەنتۋس»), ديەگو گودين («اتلەتيكو»), گونسالو يگۋاين («يۋۆەنتۋس»), اندرەس ينەستا («بارسەلونا»), كوكە («اتلەتيكو»), ۋگو لوريس («توتەنحەم»), توماس ميۋللەر («باۆاريا»), مانۋەل نويەر («باۆاريا») جانە سەرحيو راموس («رەال»).