جەلتوقساننىڭ 13-14 كۇندەرى اقش فەدەرالدى قورى دوللاردىڭ پايىزدىق ۇستەمەسىن كوتەرۋى ىقتيمال, دەپ حابارلايدى investing باسىلىمى.
ءتىپتى, ساراپشىلار وسى جولى فەدەرالدى قور ۇستەمەنى كوتەرەتىنىنە 100 پايىز سەنىمدى. ويتكەنى, قازان ايىنداعى وتىرىستا كوتەرىلەدى دەگەن پايىزدىق ۇستەمە ول جولى سايلاۋ ناۋقانى بولعاندىقتان وزگەرىسسىز قالعان ەدى.
فەدەرالدى قوردىڭ مۇنداي قادامعا بارۋى ءبىرىنشى كەزەكتە 2017 جىلدىڭ بولجامدى ينفلياتسياسىنىڭ تىم جوعارىلىعىنان بولسا كەرەك.
ەگەر فەدەرالدى قور پايىزدىق ۇستەمەنى كوتەرەتىن بولسا, دوللاردىڭ قۇنى ارتىپ, تەڭگەنىڭ دوللارعا شاققانداعى باعامى كوتەرىلەدى.
ايتا كەتەيىك, ءبىر جارىم اي بۇرىنعى جيىندا اقش فەدەرالدى قورى سول جولى پايىزدىق ۇستەمەنى 0,25-0,5 پايىزدان كوتەرەدى دەپ كۇتىلگەن ەدى. بىراق سول جولى بۇل كورسەتكىش وزگەرىسسىز قالىپ, سايلاۋدان كەيىن كوتەرىلىپ قالۋى مۇمكىن ەكەنى ايتىلعان. وسى جولى, ساراپشىلاردىڭ پىكىرىنشە, نەگىزگى پايىزدىق ۇستەمە كوتەرىلۋى عاجاپ ەمەس.