قىتاي ينۆەستورى كەنتاۋ قالاسىندا كەن بايىتۋ زاۋىتىن سالادى. زاۋىت قۇرىلىسىنا 2 ملن دوللار باعىتتاۋ جوسپارلانعان, دەپ حابارلادى وقو كاسىپكەرلەر پالاتاسىنىڭ ءباسپاسوز قىزمەتى.
ۇشجاقتى كەلىسىمگە ينۆەستور, كەنتاۋ اكىمدىگى مەن ءوڭىردىڭ كاسىپكەرلەر پالاتاسى قول قويدى. زاۋىتتا «قازاقمىس» جانە «قازمىرىش» سىندى ونەركاسىپتىك الپاۋىتتار ءۇشىن سوڭعى ءونىم - مەتاللۋرگيالىق سالاعا قاجەتتى مىس-التىن كونتسەنتراتىن شىعارا وتىرىپ, كەن بايىتۋدى جولعا قويۋ جوسپارلانۋدا.
«وقو كاسىپكەلەر پالاتاسىنا ينۆەستورلاردى تارتۋ ءۇشىن جاردەم بەرگەنىنە العىس ايتامىز. ءبىزدىڭ تاراپىمىزدان ينۆەستيتسيالىق جوبانى ىسكە اسىرۋ ءۇشىن بارلىق جاعدايلار جاسالادى», - دەدى كەنتاۋ اكىمىنىڭ ورىنباسارى نۇرجان ءتاشىموۆ. كاسىپورىندا جىلىنا 65 مىڭ توننا, تاۋلىگىنە دايىن ءونىم - مىس-التىن كونتسەنتراتىن 200 تونناعا دەيىن شىعارۋ جوسپارلانۋدا. كاسىپورىن ىسكە قوسىلعاندا 100 ادام جۇمىسقا الىنادى. مەموراندۋمدا ەڭبەككە نەگىزىنەن جەرگىلىكتى تۇرعىندار تارتىلاتىنى كورسەتىلگەن.