ۇەم الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن باقىلاۋعا قوعامدى قاتىستىرۋدى جوسپارلاپ وتىر. بۇل جايىندا ۇلتتىق ەكونوميكا ءمينيسترى قۋاندىك بيشىمباەۆ بۇگىن ۇكىمەت وتىرىسىندا باياندادى. ول الەۋمەتتىك ماڭىزدى ازىق-ت ۇلىك تاۋارلارى باعاسىنىڭ نەگىزسىز وسۋىنە جول بەرمەيتىن بىرقاتار شارا ۇسىندى,
ەڭ الدىمەن تاۋارلارعا بەلگىلەنەتىن ۇستەمە باعانىڭ شەگىن انىقتاۋ ۇسىنىلىپ وتىر. ول اتالعان نورمالار الەۋمەتتىك ماڭىزدى ازىق-ت ۇلىك تاۋارىن ساتاتىن ساتۋشىلاردى تارتىپكە ۇيرەتەدى دەپ ەسەپتەيدى.
«ساۋدا نىساندارىنىڭ ساناتىنا بايلانىستى سارالاناتىن بولشەك جانە كوتەرمە ساۋداداعى ءامات ۇستەمە باعاسىنىڭ شەكتى مولشەرىن زاڭنامالىق تۇرعىدان بەكىتۋدى ۇسىنامىز. قولدانىستاعى رەتتەۋدەن بولشەك جانە كوتەرمە ساۋداداعى قىمبات باعانى باقىلاۋ مەن مونيتورينگ جاساۋ تەتىگى تۇبەگەيلى تۇردە الشاق», دەدى بيشىمباەۆ.
ۇستەمە باعانىڭ شەكتى نەگىزىندە اي سايىن «ۇسىنبالى باعا» ەسەبى جۇرگىزىلەتىن بولادى. ول بۇقارالىق اقپارات قۇرالدارىندا, مەملەكەتتىك ورگانداردىڭ ينتەرنەت رەسۋرستارىندا اشىق تۇردە جاريالانادى, سونداي-اق, ساۋدا نىساندارىنىڭ اقپاراتتىق تاقتالارىنا جازۋ مىندەتتەلەدى. اتالعان جاڭالىق ساتۋشى ءۇشىن دە, تۇتىنۋشى ءۇشىن دە «تۇسىنىكتى باعا بەلگىلەۋدى» قامتاماسىز ەتۋگە مۇمكىندىك بەرەدى.
«ۇسىنبالى باعا» تۋرالى اقپاراتقا قولجەتىمدىلىك قالىڭ كوپشىلىكتى باعالاردى مونيتورينگتەۋگە جانە «ۇسىنبالى باعا» بويىنشا بەلگىلەنگەن باعا مەن ناقتى باعانىڭ سايكەس كەلمەۋىن انىقتاۋعا تارتۋعا مۇمكىندىك بەرەدى, وسىلايشا ءامات باعاسىن رەتتەۋدىڭ تيىمدىلىگىن تۇبەگەيلى ارتتىرۋعا ىقپال ەتەدى», - دەپ اتاپ ءوتتى مينيستر.
بۇدان باسقا, «ۇسىنبالى باعا» ەسەبىنىڭ وزەكتىلىگى مەن دالدىگىن قامتاماسىز ەتۋ ءۇشىن وندىرۋشىلەر ءۇشىن قوسىمشا شىعىنسىز بوساتىلاتىن باعا تۋرالى اقپاراتتى جيناۋعا مۇمكىندىك بەرەتىن ستاتيستيكا نەگىزىندەگى اقپاراتتىق جۇيە قۇرۋ ۇسىنىلادى.
«الەۋمەتتىك ماڭىزدى ازىق-ت ۇلىك تاۋارلارى باعاسىنا «ۇسىنبالى باعا» مەن شەكتى ۇستەمە باعانى بەلگىلەۋ ازاماتتارعا باعانىڭ نەگىزسىز ءوسۋ فاكتىلەرى بويىنشا تەكسەرىس جاسايتىن وكىلەتتى ورگاندارعا شاعىم ايتۋعا قۇقىق بەرەتىن قۇقىقتىق تەتىك پەن باعدار بولماق», - دەدى بيشىمباەۆ.
دينارا بىتىكوۆا, "ەگەمەن قازاقستان".