جاڭا قۇجات ناقتىلىعىمەن ەرەكشەلەنەدى

وسى جىلعى جەلتوقساندا وتەتىن ەۋرازيالىق «بەستىك» مەملەكەتتەرى باسشىلارىنىڭ كەزدەسۋىندە ەۋرازيالىق ەكونوميكالىق وداقتىڭ (ەاەو) كەدەن كودەكسىنە قول قويىلادى دەپ كۇتىلىپ وتىر. بولجام بويىنشا, قۇجات 2017 جىلدىڭ ورتاسىندا كۇشىنە ەنۋى مۇمكىن. بۇل تۋرالى ءىىى ەۋرازيالىق ەكونوميكالىق كونگرەسس بارىسىندا ەۋرازيالىق ەكونوميكالىق كوميسسيانىڭ كەدەندىك ىنتىماقتاستىق جونىندەگى القانىڭ (مينيستر) مۇشەسى مۇقاي قادىرقۇلوۆ مالىمدەدى. بۇقارالىق اقپارات قۇ­رالدارى وكىلدەرىنىڭ سۇ­راق­تارىنا جاۋاپ قاي­تارۋ كە­زىندە ول وسىنداي اۋقىم­دى قۇجات – جاڭا كودەكس ج­و­با­سىنىڭ ءۇش جىلداي مەر­زىم­دە ازىرلەنگەنىن دە اتادى. ءمينيستردىڭ ايتۋىنشا, ەۋ­روپالىق وداقتىڭ كەدەندىك زاڭ­ناماسىن دايىنداۋعا ون جىل­­دان استام ۋاقىت كەتكەن. ال ەۋرازيالىق ەكونوميكالىق كو­ميسسياسىنىڭ كەدەندىك زاڭ­نامالار دەپارتامەنتى دي­رەكتورىنىڭ ورىنباسارى ەلەنا بريچەۆا كونگرەستە سويلەگەن سوزىندە كەدەندىك رەت­تەۋ ماسەلەلەرىندەگى ۇلتتىق جانە ۇلتۇستىلىك سەگمەنتتەگى ءوز­گەرىستەر تۋرالى ايتىپ بەردى. ەلەنا بريچەۆانىڭ اتاپ وتۋىنشە, قازىرگى قولدانىستاعى كەدەن كودەكسى 339 جونەلتۋ نورماسىنان تۇرادى. ولاردىڭ بەستەن ەكىسى سالىق, ۆاليۋتا, اكىمشىلىك, ازاماتتىق جانە باسقا دا زاڭنامالىق نورمالار. سونداي-اق, ول وسىنداي جونەلتۋ نورمالارى جاڭا كودەكستە دە قالدىرىلعانىنان حاباردار ەتتى. بۇعان قوسا, ول جاڭا كودەكستىڭ ماتىنىندەگى ۇلتۇستىلىك نورمالارعا دا توق­تالدى. نەگىزىنەن ول كەدەن وكىلىنىڭ نيەتتەستىك ءمىن­دە­تىنە, تاۋار­لاردىڭ شى­عۋى تۋرا­لى الدىن الا قابىل­دان­عان شەشىمدەردى رەتتەۋگە, كە­دەندىك دەكلاراتسيالاۋ ەرەك­شە­لىك­تەرىنە قاتىستى. دەپارتامەنت ديرەكتورى­نىڭ ورىنباسارى جاڭا قۇ­جات قابىلدانعاننان كەيىن كو­ميسسيا رەتتەۋگە ءتيىس­تى ءما­س­ە­- لەلەردىڭ ەداۋىر كوبەي­ەتى­­نىن دە اتاپ ءوتتى. «ەاەو-نىڭ كەدەن كودەكسى كوميسسيا قا­راس­تىراتىن 279 نورمادان تۇ­رادى, – دەدى ە.بريچەۆا. – وسى 279 نورمانىڭ 96-سى كو­ميسسيانىڭ قازىرگى كەزدەگى ءمىن­دەتى بولىپ تابىلادى. ال 183 نورما كوميسسيانىڭ جاڭا قۇ­جات بويىنشا قاراستىراتىن جا­ڭا قۇزىرەتىنە جاتادى». جالپى, جاڭا كودەكس جوبا­سىندا كورسەتىلگەن نورمالار بارىنشا ناقتىلىعىمەن ەرەك­شەلەنەدى. ويتكەنى, كە­دەن­د­ىك وداقتىڭ التى جىلدان بەرى جۇمىس ىستەپ كەلە جات­قان كەدەن كودەكسىندەگى زاڭ­نامالارعا قاتىستى كەم­شىلىكتەر تۇزەتىلگەن. ءاليسۇلتان قۇلانباي, «ەگەمەن قازاقستان»