IBF نۇسقاسى بويىنشا ءبىرىنشى ورتا سالماقتىڭ چەمپيونى امەريكالىق دجەرمالل چەرلو BoxingScene-گە بەرگەن سۇحباتىندا قازاقستاندىق بوكسشى گەننادي گولوۆكينمەن جۇدىرىقتاسۋعا دايىن ەكەندىگىن مالىمدەدى, دەپ حابارلادى vesti.kz.
بولاشاقتا چەرلو گولوۆكيننىڭ سالماعىنا كوتەرىلىپ, كەزدەسۋ ۇيىمداستىرۋدى جوسپارلاپ وتىر.
«مۇنداي سىناقتان باس تارتپايمىن. بۇعان دەيىن دە وزىندىك ءستيلى بار, تەحنيكالىق جاعىنان مىقتى تالاي بوكسشىمەن كۇن سىناسقانمىن. كوزىمدى اشقاننان بوكستا كەلەمىن. سول ءۇشىن مەن ەشكىمنەن قورىقپايمىن. مەنىڭ كوماندام قاجەتتى ۋاقىتتا كەزدەسۋ ۇيىمداستىرۋى مۇمكىن», – دەدى ول.
26 جاستاعى سپورتشى گولوۆكين سەكىلدى ەشقاشان جەڭىلگەن ەمەس. بارلىعى 24 جەكپە-جەك وتكىزىپ, ونىڭ 18-ءىن نوكاۋتپەن اياقتاعان. ال قازاقستاندىق بوكسشى 36 كەزدەسۋدىڭ 33-ءىن مەرزىمىنەن بۇرىن اياقتاعان بولاتىن.