ولاردىڭ قاتارىندا جوعارى وقۋ ورىندارىنىڭ ۇجىمدارى مەن ستۋدەنتتەرى جانە قالا تۇرعىندارى بار.
تارمپي-ءدىڭ باس وقۋ عيماراتىنان باستالعان جارىسقا قاتىسۋشىلار ءۇش شاقىرىم قاشىقتىقتا جۇگىرىپ, سىنعا ءتۇستى.
شارا بارىسىندا الەمدىك, رەسپۋبليكالىق سپورت دودالارىنىڭ جەڭىمپازدارى مارافونعا قاتىسۋشىلارمەن بىرگە تاڭعى جاتتىعۋ جاسادى. ولاردىڭ ساپىندا قازاق كۇرەسىنەن الەم چەمپيونى, حالىقارالىق دارەجەدەگى سپورت شەبەرى داۋلەت پاحرەدينوۆ, دزيۋدو كۇرەسىنەن حالىقارالىق جارىستىڭ جەڭىمپازى بەكادىل شايمەردەنوۆ, كيكبوكسينگتەن ەرەسەكتەر اراسىنداعى الەم كۋبوگىنىڭ يەگەرى ارايلىم اۋەزوۆا سىندى سپورت ساڭلاقتارى بار.
«بۇل مارافون جاستاردىڭ سپورتپەن تۇراقتى اينالىسۋىنا زور مۇمكىندىك بەرەدى. جالپى تاراز مارافوندى قولداپ وتىرعان ءتورتىنشى قالا. ماقسات – «ەكسپو-2017» حالىقارالىق كورمەسىن ناسيحاتتاي وتىرا, ءوڭىر جاستارىنىڭ سپورتقا قۇلشىنىسىن ارتتىرۋ, تۇرعىندار اراسىندا بۇقارالىق سپورت ءتۇرىن دامىتۋ», دەدى وقۋ ورنىنىڭ رەسمي وكىلى جاندار اسان.
مارافون قورىتىندىسى بويىنشا جۇزدەن جۇيرىك شىققاندار بىرنەشە اتالىم بويىنشا ماراپاتتالدى. شارا سوڭى پەداگوگيكالىق ينستيتۋتتىڭ ونەر ۇجىمدارىنىڭ گالا-كونتسەرتىنە ۇلاستى.