كوپشىلىكتىڭ كوڭىلىن تولقىتقان اسەرلى كەشتىڭ ءبىرىنشى بولىمىندە ي.س.باح پەن ف.ءبۋزونيدىڭ شىعارمالارى ورىندالسا, ەكىنشى جارتىسى ف.شوپەننىڭ باللادالارىمەن اشىلدى.
«وتە نازىك شوپەن ناقىشتارى تىڭداۋشىلارىن سىلتىدەي تىندىرىپ, اينالادا مۇلگىگەن تىنىشتىق ورنايدى. جانسارايىڭدى تەك قانا تەكتى مۋزىكا تەربەيدى. ونىڭ تۋىندىلارىن ويناعاندا ساۋساقتارىڭ جەڭىل سامعاپ, كلاۆيشتاردى تەبىرەنىستى تەرەڭ سەزىمدەرمەن باسۋىڭ كەرەك», دەيدى ساحنانى كيەلى سانايتىن ساڭلاق.
دۇنيە ءجۇزىنىڭ نەبىر ءدۇلدۇل تەاترلارىندا ونەر كورسەتكەن تانىمال تۇلعانىڭ شىعارماشىلىق شەرۋى ەندى ەلىمىزدىڭ قاراعاندى, اقتوبە, وسكەمەن, شىمكەنت, تالدىقورعان سياقتى وبلىس ورتالىقتارىندا, سونداي-اق ەۋروپانىڭ جەنەۆا, بريۋسسەل, ليۋكسەمبۋرگ قالالارىندا جالعاسىن تاپپاق كورىنەدى.
بۇگىندە ول رەكتور رەتىندە ۇلتتىق كونسەرۆاتوريا ۇجىمىن استانادا اشىلاتىن ەكسپو-2017 حالىقارالىق كورمەسىنە دايىنداۋ ۇستىندە.
تالعات تورە الماتى