قوستانايدا بالالاردىڭ جول قاۋىپسىزدىگىنە ارنالعان فلەشموب ءوتتى

بالالار بي بيلەپ, اسپانعا شار لاقتىرىپ, تاسجولعا سۋرەت سالدى. سونداي-اق قاتارلاسىپ تۇرىپ, قازاقستان پوليتسياسىنىڭ 25 جىلدىعىن بىلدىرەتىن «25» تسيفرىن جاساپ كورسەتتى. قوستاناي قالالىق جەرگىلىكتى پوليتسياسى, ءبىلىم ءبولىمى, «ورلەۋ» ۆولونتەرلارى, «گرين» ازاماتتىق اليانسى بىرلەسىپ ۇيىمداستىرعان فلەشموب بالالاردىڭ جول-كولىك قاۋىپسىزدىگىنە كوپشىلىكتىڭ كوڭىلىن اۋدارۋدى ماقسات ەتىپ قويدى.  «بالالار دەمالىسقا شىعاتىن جاز ماۋسىمىندا جول-كولىك قاۋىپسىزدىگىنىڭ ماڭىزى بۇرىنعىدان دا ارتا تۇسەدى. كىشكەنتايلار جول ەرەجەسىن ويىن جانە باسقا دا قىزىقتى شارالار ارقىلى تەز قابىلدايدى. سوندىقتان «بالالاردىڭ جول قاۋىپسىزدىگى» ايلىعى اياسىندا بارلىق شارالاردى وزدەرىنىڭ قاتىسۋىمەن قىزىقتى ەتىپ وتكىزۋدى ويلاستىردىق», – دەيدى قوستاناي قالالىق ىشكى ىستەر باسقارماسى جەرگىلىكتى پوليتسياسىنىڭ اعا ينسپەكتورى, پوليتسيا مايورى ەلەنا ماگاسۋموۆا.  بيىل جىل باسىنان بەرى قوستانايدا 50 جول-كولىك وقيعاسى تىكەلگەن, سولاردىڭ بەسەۋىندە بالالار زارداپ شەككەن.  ءنازيرا جارىمبەتوۆا,  «ەگەمەن قازاقستان»  قوستاناي