مامانداردىڭ ناقتى ەسەپتەرىنە نەگىزدەلىپ دەپۋتاتتار بەكىتكەن بيۋدجەتتىڭ كەسىلۋىن مەن مۋلدەم تۇسىنە المايمىن؟ شىعىنداردىڭ قىسقىرىپ كەتۋىنە قانداي سەبەپ بولدى؟ بۇل بيۋدجەتتىك كودەكس تالاپتارىمەن قابىسپايدى.
وبلىستىق ماسليحاتتىڭ دەپۋتاتى مارات يتەعۇلوۆتۆىڭ وسىنداي ناقتى سۇراعىنا بايانداما جاساعان وبلىستىق قارجى باسقارماسى باسشىسىنىڭ مىندەتىن اتقارۋشى نۇرلىبەك ونەرباەۆ تۇجىرىمدى جاۋاپ قايتارا الماي تىبىرتىكتەپ قالدى. مۇنىسى از بولعانداي كۇن سايىن قولىنان ءوتىپ جۇرگەن دەرەكتى بىلمەي مۇدىرە بەردى. سوندا مۇنىڭ جاۋابىن كىم بەرمەك؟ «ەگەمەن» ءتىلشىسىڭ ساۋالىنا وراي وبلىستىق ماسليحاتتىڭ حاتشىسى سانيا قالدىعۇلوۆا بيۋدجەتتىك جۇيە تالابىن ساقتاۋ بۇلجىماس قاعيدا ەكەنىن ايتا كەلىپ, اتالعان ماسەلە تاياۋداعى سەسسيادا قارالىپ, سودان سوڭ ونىڭ ناقتى جاۋابى قايتارىلاتىنىن مالىمدەدى.
تەمىر قۇسايىن, «ەگەمەن قازاقستان» اقتوبە