القالى جيىنعا ەلىمىزدىڭ جانە شەت ەلدەردىڭ الدىڭعى قاتارلى عالىمدارى مەن اكادەميكتەرى, حالىقارالىق دارەجەدەگى لاۋازىمدى تۇلعالار, زيالى قاۋىم وكىلدەرى قاتىستى.
كونفەرەنتسيادا بۇكىل عىلىمي قاۋىمداستىقتاردى تولعاندىراتىن ەكونوميكانىڭ يننوۆاتسيالىق دامۋىن بولجاۋ ءادىسناماسى, يننوۆاتسيالىق ەكونوميكانىڭ الەۋمەتتىك قىرلارى; ايماقتىق دامۋ جانە يننوۆاتسيالىق ەكونوميكانىڭ ءوسۋ نۇكتەلەرىن قالىپتاستىرۋ, جاھاندىق باسقارۋ جانە ۇلتتىق ەكونوميكالار قاۋىپسىزدىگى پروبلەمالارى سىندى وزەكتى ماسەلەلەر كەڭ اۋقىمدا تالقىلاندى. اسىرەسە, قالىپتاسقان جاھاندىق دۇنيەتانىمنىڭ نەگىزگى پروبلەمالارى, فيلوسوفيالىق پلانەتارلىق ويلاۋ تۇجىرىمداماسى, ينستيتۋتسيونالدىق رەفورمالار مەن ازاماتتىق مادەنيەت, ۇلتتىق بىرەگەيلىك پەن رۋحاني-مادەني قۇندىلىقتاردىڭ جاندانۋى, قوعامدى ىزگىلەندىرۋدىڭ تاريحي قىرلارى, قازىرگى زامانعى ءبىلىم بەرۋ كەڭىستىگىن ىزگىلەندىرۋدىڭ جاڭا تاسىلدەرى, جىبەك جولى گۋمانيتارلىق بەلبەۋى سىندى تاقىرىپتارعا ەرەكشە باسىمدىق بەرىلدى. «قازىرگى الەم دامۋىنىڭ وزىق تەندەنتسياسى جاڭا قوعامدىق دامۋ دەرەككوزدەرىن, ياعني يننوۆاتسيالىق دامۋ پروتسەسسىندەگى ادامداردىڭ قازىرگى ەكونوميكالىق, الەۋمەتتىك جانە مادەني قىزمەتىن ۇعىنۋ ماسەلەسى باستى نازاردا. ەلباسى نۇرسۇلتان نازارباەۆتىڭ قازاقستاندا قوعامدىق سانانى جاڭعىرتۋ جونىندەگى مىندەتتەرىن ىسكە اسىرۋ گۋمانيستىك قۇندىلىق باعدارلارعا سۇيەنەتىن جاڭا يدەولوگيا قالىپتاستىرۋدى تالاپ ەتەدى. ول ءۇشىن ۇلتجاندى, قۇقىقتىق مادەنيەت دەڭگەيى جوعارى, ومىرلىك ۇستانىمى بەلسەندى جاس بۋىن ازاماتتاردى تاربيەلەۋ سياقتى ماقساتتى ءىس-قيمىلداردى جۇيەلى تۇردە قولعا الۋ كەرەك,» دەيدى كونفەرەنتسيانى ۇيىمداستىرۋشىلار.
قر بعم عىلىم كوميتەتىنىڭ توراعاسى, ماسكەۋ اقپاراتتاندىرۋ اكادەمياسىنىڭ اكادەميگى, ەلىمىزدىڭ جوعارى مەكتەپ اكادەمياسى مەن جوعارى عىلىمدار اكادەمياسىنىڭ اكادەميگى ءازىمحان ساتىبالدين ءسوز الىپ, مەرەيتوي يەسىن قۇتتىقتاي كەلە, وتكىزىلىپ وتىرعان شارانىڭ ماڭىزدىلىعىنا توقتالدى. عىلىمي كونفەرەنتسيا اياسىندا 20 دان استام عىلىمي بايانداما وقىلىپ, «يننوۆاتسيالىق ەكونوميكا جانە قوعامدى ىزگىلەندىرۋ» ماسەلەسى تۋراسىندا اۋقىمدى ويلار ايتىلدى. سونداي-اق, شارا بارىسىندا عالىمنىڭ عىلىم جولىنداعى تاباندى ەڭبەگىنىڭ ناتيجەسىن كورسەتەتىن قازاق, ورىس, اعىلشىن تىلدەرىندە جارىق كورگەن 25 تومدىق كىتابىندا قوزعالعان تاقىرىپتار جايلى دا ايتىلماي قالعان جوق.
«مەن ورازالىنى بالاڭ شاعىنان باستاپ بىلەم. ءبىر مەكتەپتە ءبىلىم الدىق. قازاق حالقىنا سىڭىرگەن ەڭبەگى از ەمەس. ول جۇرتىنىڭ سەنىم ۇدەسىنەن شىعىپ, بۇگىنگى تاڭدا بۇكىل الەمگە ايگىلى عالىم بولدى. ەكونوميكادان باستاۋ العان دارا جول, رۋحانياتپەن ساباقتاسىپ جاتىر. تومدىق جيناعىنىڭ 25-تومى ابايعا ارنالۋى دا تەگىن ەمەس. بۇل, عالىمنىڭ تەكتىلىك تامىرىنىڭ تىم تەرەڭدە جاتقانىن اڭعارتسا كەرەك. ەلدىڭ وركەنيەت پەن مادەنيەتكە كىرىگۋى مەن كەمەل بولاشاعى ءۇشىن ءدال وسى ورازالى سابدەن سىندى ازاماتتار كەرەك», دەيدى جازۋشى, قازاقستاننىڭ ەڭبەك سىڭىرگەن قايراتكەرى مارحابات بايعۇت.
كونفەرەنتسيا سوڭى سەكتسيالىق وتىرىسقا ۇلاسىپ, بۇگىنگى قوزعالعان تاقىرىپتىڭ جەكە تارماقتارى بويىنشا ۇسىنىستار ورتاعا تاستالدى.
ارمان وكتيابر, «ەگەمەن قازاقستان»