نۇرسۇلتان نازارباەۆ حاسان رۋحانيگە يران يسلام رەسپۋبليكاسىنىڭ پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى. بۇل تۋرالى akorda.kz حابارلادى.
مەملەكەت باسشىسى ن.نازارباەۆ ح.ءرۋحانيدى يران يسلام رەسپۋبليكاسى پرەزيدەنتىنىڭ سايلاۋىندا ايقىن جەڭىسكە جەتۋىمەن قۇتتىقتادى.
«سايلاۋعا ازاماتتاردىڭ بەلسەنە قاتىسىپ, ءسىزدى جان-جاقتى قولداۋى – ساياسي جانە ەكونوميكالىق باعدارلامالارىڭىزعا حالىقتىڭ سەنىمى ارتقانىنىڭ دالەلى.
ءسىزدىڭ باسشىلىعىڭىزبەن يران ءوزىنىڭ دامۋ جولىندا جاڭا تابىستارعا قول جەتكىزەتىن بولادى.
قازاقستان مەن يران اراسىنداعى دوستىق پەن ءوزارا قولداۋعا نەگىزدەلگەن ىنتىماقتاستىق ەلدەرىمىزدىڭ يگىلىگى ءۇشىن جالعاسا بەرەدى دەپ سەنەمىن.
سىزگە زور دەنساۋلىق, جاۋاپتى قىزمەتىڭىزگە تابىس, ال دوستاس يران حالقىنا بەيبىت ءومىر جانە باق-بەرەكە تىلەيمىن», – دەلىنگەن جەدەلحاتتا.