ءاز-ناۋرىز تويلاۋ بارىسىندا قازاقتىڭ سالت-ءداستۇرى دارىپتەلىپ كورسەتىلۋىنىڭ ناتيجەسىندە ستۋدەنتتەردىڭ قازاقتىڭ داستۇرگە دەگەن قۇرمەتى ودان ءارى ارتا ءتۇستى دەسەك, ارتىق ايتپاس ەدىك. ارينە, شاراعا قولداۋ كورسەتۋشى ءارى ۇيىتقى بولۋشى ۋنيۆەرسيتەت رەكتورى عالىمقايىر مۇتانوۆ ەكەنى داۋسىز.
مەرەكەلىك شارا, ستۋدەنتتەردىڭ ءان شاشۋىنان باستالىپ, حالقىمىزدىڭ سالت داستۇرىنەن اۋقىمدى مالىمەت بەرەتىن كورىنىستەر كورسەتىلدى. كيەلى دومبىرادان توگىلگەن كۇمبىرلەگەن كۇي مەن قىزداردىڭ مىڭ بۇرالعان “قاماجاي” ءبيى كوپشىلىكتى ونەرلەرىمەن ءتانتى ەتتى. ۇلتتىق ويىن “اسىق اتۋ” ويىنى تۋرالى اقپارات بەرىلىپ, ستۋدەنتتەردىڭ قاتىسۋىمەن ساحنادا اسىق ويىنى ويناتىلدى, كورەرمەندەرگە قىزىعۋشىلىق تۋدىرعانى وقىتۋشى-پروفەسسورلار مەن ستۋدەنتتەر اراسىندا اسىق ويناۋدان جارىس بولدى. جىگىتتەر اسىق ويناۋ بارىسىندا ءبىز كۇتپەگەن شەبەر تاسىلدەردى ەرەكشە كورسەتە الدى. ويىننان كەيىن ءبىر سەرگىپ الىپ, كونتسەرت جالعاسىن تاۋىپ كەزەك ءداستۇرلى اندەرگە بەرىلدى, ءسال كەيىنرەك داۋلەتكەرەيدىڭ كۇيى “كوروعلى” ورىندالدى. ادەمى كەشتە قازاقتىڭ اندەرى مەن كۇيلەرىنەن كەيىن, شاراعا قاتىسۋشى فاكۋلتەت ۇجىمى مەن ستۋدەنتتەر بارلىعى بىرگە ۇلتىمىزدىڭ بولمىسىن تانىتاتىن “قاراجورعا” ءبيىن بيلەپ, كوتەرىڭكى كوڭىلمەن ناۋرىز داستارحانىنا شاقىرىلدى.
قازاقتىڭ ۇلتتىق كيىمىن كيىپ, شاشتارىن اسەم ەتىپ ورگەن قىزدارىمىز, ءوز قولدارىمەن دايىنداعان داستارحان جانىندا كۇتىپ تۇرعان ەدى. ال مەرەكەلىك كوجە دايىنداۋ بارىسىندا جىگىتتەر جەتى ءتۇرلى كەرەكتى زاتتارىن الىپ كەلىپ, ناۋرىز كوجە دايىنداۋعا قىزدارعا ءوز جاردەمدەرىن كورسەتتى. قىزدارىمىزدىڭ حالقىمىزدىڭ بەرەكەلى داستارحانىن ءدامدى تاعامدارمەن تولتىرۋى, ونىڭ ىشىندە ءسۇرى ەتپەن جاسالعان ناۋرىز كوجە ەرەكشە ءدامدى بولدى, قاتىسۋشىلار مەن بىرگە فاكۋلتەت ۇجىمى العىس ايتتى.
ءاز-ناۋرىزدىڭ كەرەمەتتىلىگى ۇمىتىلىپ بارا جاتقان ءداستۇرىمىزدى ەسكە الىپ, قادىر تۇتۋعا ۇيرەتەتىندەي.
بينۇر بالاۋباەۆا, ءال-فارابي اتىنداعى قازۇۋ حالىقارالىق قاتىناستار فاكۋلتەتىنىڭ دوتسەنتى