ءداستۇرلى ونەر سايىسى بيىل 10 رەت وتكىزىلدى. 2 اپتا بويى 11 نوميناتسيا بويىنشا 1000-نان استام ونەرپاز باق سىناعان سايىستىڭ قورىتىندىسى مادەنيەت قىزمەتكەرلەرى كۇنى گالا-كونتسەرتپەن قورىتىندىلانىپ, جەڭىمپازدار ەسىمى جاريا بولدى.
گالا كونتسەرتتە فەستيۆال جەڭىمپازدارىمەن بىرگە, ءوڭىردىڭ مادەنيەتىنە ۇلەس قوسىپ جۇرگەن ونەرپازدار مەن مادەنيەت اسالىسىنىڭ ەڭبەك ارداگەرلەرى ماراپاتتالدى. مادەنيەت قىزمەتكرەلەرىن ايماق باسشىسى ە.توعجانوۆ قۇتتىقتاپ, ەڭبەكتەرىنە جەمىس تىلەدى, ماڭعىستاۋ ونەرىن, سول ارقىلى قازاق ونەرىن دامىتا بەرۋگە تىلەكتەستىك ءبىلدىردى.
ماراپات العانداردىڭ اراسىندا 30 جىل وسى سالادا ەڭبەك ەتكەن ديريجەر, سازگەر ر.مادىرەەۆ, داۋلەسكەر كۇيشى, قۇرمانعازى اتىنداعى كونسەرۆاتوريانىڭ پروفەسسورى, قر ەڭبەك سىڭىرگەن مادەنيەت قايراتكەرى س.شاكىرات, كۇيشى, ۇستاز, قر ەڭبەك سىڭىرگەن قايراتكەرى و.قۇلساريەۆ, تاعى باسقالار بار. ولار تالانتتى جاستار باردا ماڭعىستاۋ ونەرىنىڭ ءالى دە قاناتىن كەڭگە جايا تۇسەتىندىگىنە سەنىم ءبىلدىردى.
«ماڭعىستاۋ جۇلدىزدارى» فەستيۆالىنىڭ قورىتىندىسىندا سايىسقا 1 اي بويى ۇزبەي دايىندالعان جاڭاوزەن قالاسىنىڭ مادەنيەت قىزمەتكەرلەرى باس جۇلدەنى يەلەندى. 1-ورىندى ماڭعىستاۋ جانە قاراقيا اۋداندارى, 2-ورىندى اقتاۋ قالاسى مەن بەينەۋ اۋدانى يەلەندى. ال 3-ورىن مۇنايلى مەن تۇپقاراعان اۋداندارىنا بۇيىردى.
گۇلايىم شىنتەمىرقىزى, «ەگەمەن قازاقستان»
سۋرەتتى تۇسىرگەن سەرىك مايەمەروۆ