حالىقارالىق فورۋمنىڭ اشىلۋ سالتاناتىندا دەنساۋلىق ساقتاۋ باسقارماسىنىڭ باسشىسى م.ەگىزباەۆ قاتىسۋشىلاردىڭ تاجىريبە الماسۋ جۇمىستارىنا ساتتىلىك تىلەدى.
– دەنساۋلىق ساقتاۋ باسقارماسى جانە قازاق ونكولوگيا جانە راديولوگيا عىلىمي زەرتتەۋ ينستيتۋتى ونكولوگ-دارىگەرلەردىڭ بىلىكتىلىگىن ارتتىرۋدا ۇلكەن جۇمىستار جۇرگىزۋدە. مۇنداي حالىقارالىق تاجىريبە الماسۋلار شىمكەنتتە ءبىرىنشى رەت وتكىزىلىپ جاتقان جوق. بۇعان دەيىن وڭتۇستىك قازاقستانعا مەديتسيناسى وزىق الەم ەلدەرى وڭتۇستىك كورەيا, فرانتسيا, تۇركيا, موڭعوليانىڭ ۇزدىك ماماندارى كەلىپ, تاجىريبەلەرىمەن بولىسكەن. ناتيجەسىندە ءبىزدىڭ دارىگەرلەرىمىز دە ءوز بەتىنشە كۇردەلى وتالار جاساۋعا قول جەتكىزدى. بۇل ماقساتتا رەسەيدىڭ جانە ەلىمىزدىڭ ۇزدىك دارىگەرلەرىنەن دە ۇيرەنەرىمىز از ەمەس, – دەدى باسقارما باسشىسى.
ونكوۋرولوگيالىق فورۋمنىڭ ماقساتى – ەرتە دياگنوستيكالاۋدى جاقسارتىپ, ناۋقاستارعا كومپلەكستى ەم جۇرگىزىپ, ءومىرىن ۇزارتۋ. قازىرگى تاڭدا بۇكىل الەم بويىنشا قۋىق استى بەزىنىڭ قاتەرلى ىسىگىنە شالدىققاندار قاتارى كوبەيىپ كەلەدى. وڭتۇستىك قازاقستان وبلىسىندا جىل سايىن قۋىق استى بەزىنىڭ قاتەرلى ىسىگىمەن 60-تان اسا جاڭا ناۋقاس انىقتالادى. ال, اتالىق بەزىنىڭ قاتەرلى ىسىگىمەن 40-قا جۋىق جاڭا ناۋقاس انىقتالادى. بىراق بۇلاردىڭ 60 پايىزى دەرتتىڭ III-IV ساتىسىندا تابىلادى. بۇل ماسەلە نەسەپ-جىنىس جۋيەسىنىڭ وبىرىن ەرتە انىقتاۋدا العاشقى مەديتسينالىق-سانيتارلىق كومەك دارىگەرلەرىنىڭ ۋرولوگ جانە ونكولوگ ماماندارىمەن بىرلەسە جۇمىس ىستەۋدىڭ ماڭىزدىلىعىن كورسەتەدى.
حالىقارالىق شاراعا رەسەيدىڭ پ.ا.گەرتسەن اتىنداعى ماسكەۋ قالاسىنىڭ عىلىمي-زەرتتەۋ ونكولوگيالىق ينستيتۋتىنىڭ اعا عىلىمي قىزمەتكەرى, مەديتسينا عىلىمدارىنىڭ كانديداتى ك.نيۋشكو, رەسەي ونكوۋرولوگتار قاۋىمداستىعىنىڭ ۆيتسە-پرەزيدەنتى, مەديتسينا عىلىمدارىنىڭ دوكتورى, پروفەسسور, ي.رۋساكوۆ, قازاق ونكولوگيا جانە راديولوگيا عىلىمي زەرتتەۋ ينستيتۋتىنىڭ ونكوۋرولوگيا ورتالىعىنىڭ باسشىسى, قازاقستان رەسپۋبليكاسىنىڭ شتاتتان تىس باس ونكوۋرولوگى, مەديتسينا عىلىمدارىنىڭ كانديداتى ن.نۇرعاليەۆ, قازاقستان-رەسەي مەديتسينا ۋنيۆەرسيتەتىنىڭ ونكولوگيا جانە ماممولوگيا كافەدراسىنىڭ مەڭگەرۋشىسى, مەديتسينا عىلىمدارىنىڭ دوكتورى س.ەسەنتاەۆا ارنايى شاقىرتىلدى. ماستەر-كلاسس بارىسىندا العاشقى مەديتسينالىق-سانيتارلىق كومەك دارىگەرلەرىنە قۋىق استى بەزى قاتەرلى ىسىگىنىڭ ەرتە دياگنوستيكاسىن جاقسارتۋ بويىنشا لەكتسيا وقىلىپ, پراكتيكالىق تاجىريبە كورسەتىلدى. قۋىق استى بەزىنىڭ قاتەرلى ىسىگىنە وتا جاسالىپ, ونكوۋرولوگيالىق فورۋمدا قۋىقتىڭ جانە اتالىق بەزىنىڭ قاتەرلى ىسىكتەرىن ەرتە دياگنوستيكالاۋ جانە ەمدەۋ تاسىلدەرى تالقىلاندى.