جيىنعا وبلىستىق, قالالىق ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسىنىڭ ءبولىم باسشىلارى مەن ماماندارى قاتىستى. ءماجىلىستى وڭتۇستىك قازاقستان وبلىسى اكىمىنىڭ ورىنباسارى جاقىپ بوكەنباەۆ جۇرگىزىپ وتىردى.
ايتا كەتەيىك, بۇگىندە وڭتۇستىك قازاقستان وبلىسىندا 3152 كوپقاباتتى تۇرعىن ءۇي بار. ونىڭ 2559-ى كوندامينيۋم نىسانى رەتىندە تىركەلگەن. ال ءنابارى 970 ۇيگە عانا 18 پاتەر يەلەرىنىڭ كووپەراتيۆتەرى مەن 9 سەرۆيستىك كومپانيالارى قىزمەت كورسەتەدى. بۇل رەسپۋبليكاعا شاققاندا ەڭ تومەنگى كورسەتكىش بولىپ ەسەپتەدى. ويتكەنى شىمكەنتتىك كوپقاباتتى ۇيلەردىڭ تۇرعىندارى ءۇيدى باسقارۋ ورگاندارىنا سەنىمسىزدىكپەن قاراپ, ولاردىڭ قىزمەت كورسەتۋ ساپاسىنا قاناعاتتانبايدى.
«وڭتۇستىك قازاقستان وبلىسىنداعى تۇرعىن ۇيلەردىڭ باسىم بولىگى 1950-1990 جىلدارى سالىنۋىنا وراي ورتاق ينفراقۇرىلىم جۇيەلەرىنىڭ توزۋ دەنگەيى وتە جوعارى بولىپ وتىر. سونىڭ سالدارىنان تۇرعىن ۇيلەردىڭ باسىم بولىگىندە ءبىر عانا جىلۋ ەنەرگياسىنان نورماتيۆتىك تالاپتان تىس ىسىراپسىز شىعىندار 38 پايىزعا ارتىپ وتىر. سوندىقتان بۇگىنگى جيىننىڭ ماڭىزى ەرەكشە. الداعى ۋاقىتتا بۇل تۇيتكىلدەر تولىعىمەن شەشىمىن تاباتىن بولادى», - دەدى وبلىس اكىمىنىڭ ورىنباسارى جاقىپ بوەكەنباەۆ.
الداعى ۋاقىتتا وزگە قالالارداعى كوپقاباتتى تۇرعىن ۇيلەردى باسقارۋ ورگاندارىنىڭ قىزمەتى زەرتتەلىپ, ءوزارا تاجىريبە الماسۋ جوسارلانىپ وتىر. ويتكەنى قازىرگى تاڭدا تۇرعىن ءۇي-كوممۋنالدىق شارۋاشىلىعى سالاسىندا, كوپقاباتتى تۇرعىن ۇيلەردى باسقارۋ, كۇتىپ-ۇستاۋ, ولارعا قىزمەت ەتۋ ەڭ باستى جانە وتكىر دە وزەكتى ماسەلەلەردىڭ بىرىنە اينالىپ وتىر.