مەن اتالعان ماقالانى مۇقيات وقىپ شىقتىم. وندا ۇلتىمىزدىڭ جاھاندىق ىقپالداستىقتا جۇتىلىپ كەتپەي, ۇلتتىق ەرەكشەلىكتەرىن ساقتاپ قالۋدىڭ وتە ماڭىزدى ماسەلەلەرى كوتەرىلگەن. قارۋ ۇستاپ, ەل تىنىشتىعى كۇزەتىندە جۇرگەن ازامات رەتىندە ايتارىم, ۇلتتىق قۇندىلىعىمىز, ياعني ونىڭ ەڭ باستىلارى – ءتىلىمىز بەن ءدىلىمىز ەلىمىزدىڭ قاۋىپسىزدىگىن قامتاماسىز ەتۋ سياقتى مەملەكەتىمىز ءۇشىن ەڭ باستى ماسەلە.
ۋاقىت العا جىلجىپ جاتىر. بۇل – ءومىر زاڭدىلىعى. وسىنداي كەزەڭدە باسقا وزگەرىستەرمەن قاتار, ەلباسى ايرىقشا نازار سالىپ ايتقانداي, رۋحاني جاڭعىرۋدىڭ قاجەت ەكەندىگى ءسوزسىز. سوندىقتان دا ۇلت, حالىق بولعاننان كەيىن الدىنا ماقسات قويعانى ابزال. بۇل تۋرالى پرەزيدەنتتىڭ ۇلت نەمەسە جەكە ادام ناقتى ءبىر مەجەگە بەت تۇزەپ, سوعان ماقساتتى تۇردە ۇمتىلماسا, ەرتەڭ ىسكە اسپاق تۇگىلى, ەلدى قۇردىمعا باستايدى دەپ ايتقان ويلارىمەن ابدەن كەلىسەسىڭ. ۇلتىمىزدىڭ رۋحىن بويىمىزعا ابدەن ءسىڭىرۋىمىز كەرەكتىگى دە ارقايسىمىز ءۇشىن كەرەك نارسە. مۇنى ەلىمىزدىڭ ايبىنى – ۇلتتىق ۇلاندا ەل ءۇشىن, جەر ءۇشىن دەپ قىزمەت اتقارىپ جۇرگەن ءار ازاماتىمىز جۇرەك تۇپكىرىمەن تەرەڭ تۇسىنەدى ءارى «ۇلتتىق» دەگەن باسىمدى نەگىزدەمەسى بار ءبىزدىڭ اسكەر قۇرامى ەلباسىنىڭ بۇل رۋحاني جولىنداعى جاڭعىرۋ يدەيالارىن جۇزەگە اسىرۋدا تىڭعىلىقتى جۇمىستار اتقارادى دەپ نىق سەنىممەن ايتا الامىن.
تۇيىندەپ ايتقاندا, بۇل – بولاشاق ۇرپاق ءۇشىن جاسالىپ وتىرعان جارقىن ءىس.
قايرات اقتانوۆ, گەنەرال-مايور, قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىنىڭ قولباسشىسى