سىيلىق قۇرىلتايشىسى قازاقستان رەسپۋبليكاسى اقپارات جانە كوممۋنيكاتسيالار مينيسترلىگى. ۇيىمداستىرۋشى - «قازكونتەنت» اق. سىيلىق كەلەسى اتالىمدار بويىنشا بەرىلەدى:
1) ۇزدىك فوتوسۋرەت; 2) ۇزدىك رەپورتاج; 3) ۇزدىك تالدامالىق ماتەريال; 4) ۇزدىك جۋرناليستىك زەرتتەۋ; 5) ۇزدىك سۇحبات; 6) قازاقستان تۋرالى ۇزدىك تانىمدىق ماتەريال; 7) ۇزدىك حالىقارالىق تالدامالىق ماتەريال; 8) جۋرناليستيكاداعى دەبيۋت; 9) ۇزدىك راديوباعدارلاما; 10) ۇزدىك وڭىرلىك راديوستانتسيا; 11) ۇزدىك وڭىرلىك مەرزىمدى باسىلىم; 12) ۇزدىك مامانداندىرىلعان مەرزىمدى باسىلىم; 13) ۇزدىك جىل جۋرنالى; 14) قازنەتتەگى مەدياسەرپىلىس; 15) ۇزدىك رەسپۋبليكالىق مەرزىمدى باسىلىم.
بايقاۋعا جۋرناليستيكانى كاسىپ ەتكەن, باسپاسوزدە, ينتەرنەت-سايتتا نەمەسە راديوارنادا جاريالانىپ نەمەسە ەڭبەك ەتىپ جۇرگەن كەز كەلگەن مامان قاتىسا الادى.
ۇسىنىلعان دۇنيەلەردى بەلگىلى قوعام قايراتكەرلەرى, زيالى قاۋىم وكىلدەرى مەن كاسىبي جۋرناليستەردەن قۇرالعان قازىلار القاسى ساراپقا سالادى.
لاۋرەاتتار ەستەلىك مۇسىنشە مەن قوماقتى قارجىلاي سىيلىققا يە بولادى.
بايقاۋعا قاتىسۋ تۋرالى وتىنىشتەر 7 مامىر - 7 ماۋسىم ارالىعىندا ەلەكتروندى تۇردە (قوسىمشاداعى فورماعا سايكەس تولتىرىلىپ, قول قويىلعان سكان-نۇسقاسىمەن) ءوزىن-ءوزى ۇسىنۋ فورماتىندا el.kz ينتەرنەت-رەسۋرسىنداعى ارنايى بولىمدە نەمەسە urker@el.kz ەلەكتروندىق پوشتاسى ارقىلى قابىلدانادى.