جاڭا وقۋ جىلىنىڭ قارساڭىندا ەلباسى نۇرسۇلتان نازارباەۆ ءبىلىم العان ۇشقوڭىر اۋىلىنداعى قاراساي باتىر مەكتەبىندە بولعان ءبىلىم جانە عىلىم ءمينيسترى باقىتجان جۇماعۇلوۆ وقۋ ۇياسىنا كومپيۋتەرلىك سىنىپتىڭ تولىق جابدىقتارىن, ەلىمىزدىڭ 20 جىلدىق مەرەيتويى مەن پرەزيدەنتكە ارنالعان 600 كىتاپتى تارتۋ ەتتى. ول مەملەكەت باسشىسى ءبىلىم نارىمەن سۋسىنداعان مەكتەپتەگى كەزدەسۋدىڭ وزىندىك مانىنە توقتالىپ, قوعامداعى پەداگوگتاردىڭ مارتەبەسىن كوتەرۋدەگى ناقتى ىستەردى اتاپ ءوتتى. ۇستازداردىڭ ايلىعى بيىلعى 1 شىلدەدەن باستاپ 30 پايىزعا, سونداي-اق قىركۇيەك ايىنان بىلىكتىلىك ساناتى ءۇشىن قوسىمشا اقى تولەنەتىنىن العا تارتتى.
ساپار بارىسىندا مينيستر وسى قاراساي اۋدانىنداعى تاعى ءبىر ءبىلىم وشاعىنا اتباسىن بۇرىپ, وقۋشىلارمەن, ۇستازدارمەن جۇزدەستى. ۇزدىك مۇعالىمدەرگە توسبەلگىلەر مەن العىس حاتتار تاپسىردى.
«ەگەمەن-اقپارات».